- Entende que as declaracións realizadas onte por Ana Morenza “só emiten malicia e un profundo descoñecemento”
En resposta ás declaracións realizadas no día de onte pola concelleira do grupo municipal do PP, Ana Morenza, o goberno municipal quere precisar que o Concello de Ourense está pagándolle puntualmente á empresa concesionaria do servizo de limpeza de edificios municipais, e que se a entidade ten algún problema de pagos en toda Galicia “é algo alleo ao Concello de Ourense”.
O goberno municipal entende que as manifestacións da concelleira “só emiten malicia e un profundo descoñecemento” da realidade, e ínstaa a que diga que pode facer o Concello para que a empresa lle pague ao seu persoal.
