• Un ano despois de ter aprobados os proxectos e asinado o Convenio co Concello alega agora como xustificación dilatoria que “está a revisar os prezos”
• Celso Delgado afirma que estamos #ante un novo desprezo de ADIF á Cidade que se suma ao enorme atraso na licitación das obras pendentes da estación intermodal de Ourense.
O pasado 8 de novembro, os deputados ourensáns do GPP, Ana Vázquez e Celso Delgado, presentamos unha pregunta escrita ao Goberno que dicía:
“No Pleno do Concello de Ourense do pasado 4 de novembro debateuse unha moción do BNG relativa ao estado de situación do paso inferior da rúa Ramón Puga e do paso superior de Tarascón.
Finalizado o debate, a moción foi votada a favor pola totalidade do Pleno. Di así: “Instar o Goberno local do Concello de Ourense a dirixirse a ADIF para esixir o cumprimento do convenio asinado e, en consecuencia, a execución das obras de mellora da permeabilidade urbana previstas na rúa Ramón Puga e na rúa Tarascón de Ourense”
Vexamos os máis recentes antecedentes destas actuacións:
O 22 de xuño de 2016 o alcalde de Ourense, Jesús Vázquez e a ministra de Fomento, Ana Pastor, asinaron un Protocolo de Colaboración entre o Concello de Ourense e o Administrador de Infraestruturas Ferroviarias para o desenvolvemento da permeabilidade da Cidade.
No “expoñen terceiro do Protocolo constábase que actualmente na cidade de Ourense concorren: “A liña ferroviaria Zamora- A Coruña que atravesa a cidade, localizándose un paso inferior na rúa Ramón Puga, antiga estrada de Rairo, pk. 244/881 de gálibo e anchura reducida e non está dotado de beirarrúas. E a liña ferroviaria Monforte-Ourense-Vigo que atravesa a cidade, localizándose un paso superior á mesma no p. k. 48/241 na Rúa Tarascón, no que non se poden cruzar dous vehículos, e non está dotado de beirarrúas.
Tendo en cuenta esta problemática, ambas as partes, Concello de Ourense e ADIF acordaron que: O ADIF comprometíase a redactar os proxectos de construción unha vez que recibise do Ministerio de Fomento a achega finalista necesaria para o seu financiamento. E o Concello de Ourense entregaría a ADIF os estudos previos dos que dispoña cuxo obxecto sexa a definición das obras para executar para cumprir os obxectivos de ampliar o paso inferior da Rúa Ramón Puga para permitir o paso de vehículos lixeiros, dotándoo de beirarrúas. E para ampliar o paso superior de Tarascón, dotándoo de beirarrúa.”
O 10 de decembro de 2021 informou ADIF por medio dunha nota de prensa que a presidenta, María Luisa Domínguez, e o alcalde de Ourense, Gonzalo Pérez, asinaron un convenio para o desenvolvemento e mellora da permeabilidade da cidade na Rúa de Ramón Puga (punto quilométrico 244/881 da liña ferroviaria Zamora-A Coruña) e a Rúa de Tarascón (p. k. 48/241 da liña Monforte-Vigo).
Afirman que “o investimento previsto nas obras de mellora ascende a 1.172.511,42 euros (IVE incluído), cantidade que será financiada ao 50% por ambas as institucións (586.255,71 euros cada unha)”.
E que “o presente convenio dá continuidade ao protocolo de colaboración asinado entre Adif e o Concello de Ourense o 22 de xuño de 2016 para o desenvolvemento da permeabilidade na cidade. Adif conta xa cos proxectos redactados para ambas as actuacións.”
A pesar de todo o anterior, ADIF aínda non licitou en 2022 as obras, descoñecendo as causas desta demora.
A nosa preocupación aumentou ao ver que no proxecto de lei de PGE para 2023 elaborado polo goberno de Pedro Sánchez, non hai consignación algunha por parte de ADIF para estes pasos. Se houbo partida para eles, por importe de 589.000 € nos PGE de 2018 que deixou aprobados o Partido Popular.
Por iso con data 28 de outubro de 2022 os deputados ourensáns do PP presentamos unha emenda por importe de 589.000 € para que ADIF financie cunha partida específica as obras dos citados pasos:
Por todo o anterior preguntamos,
En que data de 2022 licitará ADIF as obras mellora de permeabilidade da cidade de Ourense, na Rúa de Ramón Puga (punto quilométrico 244/881 da liña ferroviaria Zamora-A Coruña) e a Rúa de Tarascón (p. k. 48/241 da liña Monforte-Vigo)?”
Onte mesmo 29 de novembro chegaba a resposta do Goberno que dicía:
“En relación co asunto interesado, sinálase que a data da resposta ADIF está a actualizar senllos proxectos #de acordo con a Base de Prezos de xullo 2022, para proceder posteriormente á súa licitación.”
VALORACIÓN: A xuízo de Celso Delgado, a resposta gobernamental non pode ser máis decepcionante xa que ADIF non se compromete a dar unha data de licitación das obras, alegando unha “actualización dos proxectos #de acordo con os prezos de 2022”
Lembremos que os proxectos destes dous pasos estaban xa redactados en decembro de 2021, como afirmou o administrador de infraestruturas ferroviarias na súa nota de prensa.
Non se xustifica que, case un ano despois non tivesen tempo en ADIF de actualizar os prezos, algo que se podería facer nunha semana se existe vontade política de facelo. Trátase de poñer desculpas en lugar de cumprir as previsións que eran que a licitación se faría por ADIF en abril deste ano para que en decembro puidesen comezar as obras.
Por outra banda, resaltar que, no recente trámite dos PGE de 2023 no Congreso, os socialistas rexeitaron a nosa emenda para dotar a ADIF dunha partida específica de con 589.000 € para as obras dos citados pasos:
Unha vez máis se acredita a indiferenza de ADIF por cumprir os seus compromisos coa cidade de Ourense e neste caso cos veciños da contorna da Rúa Ramón Puga e de Tarascón, que reclaman con intensidade desde fai máis de seis anos estas actuacións que melloren a permeabilidade urbana e a súa seguridade.
E desprezo á Ciudad, que se suma ao acreditado coa ausencia de licitación das obras pendentes na estación de alta velocidade de Ourense.
Seguiremos insistindo.
