O Grupo Municipal Socialista de O Irixo celebra que O Concello de O Irixo recupere a feira do tellado, unha moción socialista de 28 abril de 2017 que foi aprobada no pleno da corporación municipal a proposta do grupo municipal socialista fai máis de 5 anos.
Lamentan sen embargo, a desidia e pasividade do grupo de goberno do partido popular que goberna o Irixo dende fai mais de 35 anos, na conservación desta feira e os seus desaparecidos pendellos de pedra, empregados polos feirantes para resgardarse, gardar as cabalerías ou o gando, comer e facer as vendas e as compras, algunhas destas construcións de pedra poderían datar do século XVIII.
O portavoz socialista do Irixo, Iago Fariñas Valiña, lamenta que non se fixera nada en máis de 5 anos e agora a 10 meses das eleccións o grupo de goberno invista máis recursos, tempo e diñeiro público en propaganda e autobombo que en traballar pola conservación e o futuro do Irixo.
No caso da feira do Tellado por desgracia, a pouca sensibilidade e visión de futuro e respeto polo patrimonio do grupo de goberno, fai que na actualidade non existen os pendellos a diferencia do que pasa noutros concellos como o de Agolada, onde os seus pendellos foron declarados conxunto histórico-artístico en 1985, e en 1990 a Xunta de Galicia e o concello puxeron en marcha un proxecto para limpar e restauralos e recuperalos, mágoa que no Irixo preferise destruílos e facelos desaparecer como outras tantas mostras do noso patrimonio que por desgracia van esmorecendo e desaparecendo por todo o Concello.
LAMENTAN OS SOCIALISTAS O ABANDONO DO IRIXO MAIS ALO DA PROPAGANDA E O AUTOBOMBO DO GRUPO DE GOBERNO co diñeiro público de toda a veciñanza.