O concelleiro de Promoción Económica e o director da Escola de Informática asistiron hoxe á inauguración da actividade
Un total de 25 escolares da cidade participan durante a xornada de hoxe, luns, e mañá, martes, na primeira das tres edicións dos Maker Camps. O concelleiro de Promoción Económica, Armando Ojea, e o director da Escola Superior de Informática, Francisco Javier Rodríguez, asistiron esta mañá ao inicio da actividade, que se desenvolve no campus.
No “MakerCamp” os participantes, rapaces e rapazas de entre 8 e 11 anos, levan a cabo actividades baseadas na experimentación e no descubrimento, relacionadas co mundo “Maker” e as novas tecnoloxías. Construirán, programarán e controlarán robots pensados para o ámbito educativo, deseñarán e imprimirán as súas primeiras creacións en 3D, mergullaranse en mundos de realidade virtual con breves experiencias inmersivas e aprenderán a programar os seus primeiros videoxogos con linguaxes básicos visuais. As actividades contan coa asistencia permanente de monitores especializados con anos de experiencias neste tipo de iniciativas ocio-educativas.
O campamento forma parte do Proxecto Emprende Makers: De Makers a Emprendedores, aprobado no marco do Programa Operativo Interreg V-A España-Portugal (POCTEP), cofinanciado nun 75% polo Fondo Europeo de Desenvolvemento Rexional (FEDER)