O Consello Municipal de Deportes, que preside o concelleiro Mario Guede, aprobará mañá xoves esta obra para reformar unha instalación deportiva activa desde hai 34 anos, mellorando as súas dependencias e acondicionando e optimizando o espazo.
Mario Guede destaca que “con esta importante obra culminamos o cumprimento dos compromisos adquiridos, levados a cabo en agosto do 2020 mediante unha modificación de crédito, aprobada por unanimidade polos membros do CMD, que neste momento se atopan en fase de execución, como son o Campo de Hóckey de Mariñamansa (500.000€), os vestiarios do Campo da Aira de Velle (212.000€) ou as canchas deportivas exteriores do Pavillón dos Remedios (240.000€)”
O concelleiro de Deportes recalca tamén que continuará a traballar para acadar máis melloras nas instalación deportivas municipais de toda a cidade, sempre a través do diálogo cos veciños e os clubs deportivos
O Consello Municipal Deportes, que preside o concelleiro de Deportes, Mario Guede, aprobará este xoves a reforma do Polideportivo de A Carballeira, por un valor de 270.000€, cumprindo así unha vella demanda dos veciños da zona e que supón tamén un cumprimento dos compromisos acadados cos clubs deportivos da cidade.
O polideportivo da Carballeira, situado nun espazo lindeiro co centro educativo CEIP Luis Acuña, foi construído hai 34 anos, e finalmente acondicionarase o espazo utilizado polos deportistas, mellorando as súas dependencias, incidindo en distintos aspectos da instalación como:
1.- Nova cuberta, que regulará sobre todo a temperatura, tanto nos meses de verán como nos de inverno, colocando paneis tipo sándwich con illamento intermedio, para illar o interior das inclemencias meteorolóxicas.
2.- Novo chan de pavimento deportivo, especial para o hóckey (ou outros deportes de patín), compatible con outros deportes como o fútbol sala, baloncesto ou calquera outro que favoreza o seu mantemento e limpeza
3.- Instalarase unha nova bancada, incrementando notablemente a súa capacidade, pasando de 4 bancadas de 9 metros a 4 bancadas de 25metros.
4.- Na parte norte do polideportivo construirase unha serie de almacéns para que os distintos equipos poidan gardar os seus materiais e pertenzas con seguridade, así como para que o propio colexio teña a súa propia dependencia para material.
Obras en execución froito dun longo traballo. O presidente do Consello Municipal de Deportes e concelleiro de Deportes, Mario Guede, remarca que: “coa execución desta obra, complétase as xa executadas no mandato anterior, onde se levaron a cabo a Reforma do Pavillón dos Remedios (financiada por a Xunta de Galicia), o Reforma Polideportivo Anexo dos Remedios, o acondicionamento e mellora do Polideportivo en Campo da Feira, o novo Campo de Fútbol en Vilar de Astrés, a mellora das Bancadas de Santa Cruz de Arrabaldo (financiada por a Deputación de Ourense), a renovación do Céspede Artificial do Campo de Fútbol en Oira e nos Remedios…”
O presidente e concelleiro de Deportes, sinala: “Estas obras son froito dun longo traballo, que completan o proceso de renovación das instalacións deportivas da cidade, que iniciamos no ano 2015, sendo alcalde de Jesús Vázquez, cumprindo así os compromisos adquiridos; Será o meu obxectivo: seguir impulsando o deporte, aumentar e continuar mellorando as instalacións deportivas, sempre da man dos clubs e dos veciños” sinala.