test
Home Ourense A Limia O PP de Calvos de Randín reclama ao Concello o arranxo da...

O PP de Calvos de Randín reclama ao Concello o arranxo da estrada que conecta con Muíños e Portugal

- Anuncio -

· O representante popular afirma que con esta demanda faise eco das protestas que lle fai chegar a veciñanza de Calvos, Muíños “e mesmo das zonas limítrofes de Portugal, que utilizan asiduamente esta estrada”

· Explica que as fochancas e ata as pequenas gabias que atravesan a calzada “fan que esta estrada estea case impracticable, sobre todo nun tramo de preto de 700 metros”

· Anunciou que tras a xestións realizadas ante a Deputación, a institución provincial mellorará a sinalización horizontal na estrada que une Calvos, Os Blancos e Xinzo de Limia

O Partido Popular de Calvos de Randín reclama ao goberno local socialista o arranxo da estrada que conecta a capitalidade do Concello co veciño municipio de Muíños e coa fronteira con Portugal, debido ao lamentable estado de abandono que presenta esta vía de titularidade municipal, denuncia o portavoz popular José Antonio Valencia.

O representante do PP afirma que con esta demanda faise eco das protestas que lle fai chegar a veciñanza de Calvos, Muíños “e mesmo das zonas limítrofes de Portugal, que utilizan asiduamente esta estrada e teñen que padecer importantes deficiencias no firme pola súa total falta de mantemento”.

As fochancas e ata as pequenas gabias que atravesan a calzada “fan que esta estrada estea case impracticable, sobre todo nun tramo de preto de 700 metros”, explicou. O abandono da vía, incidiu, “obsérvase perfectamente no límite con Muíños, pois mentres neste municipio o firme está en perfectas condicións, nada máis deixar atrás este concello e entrar en Calvos de Randín aparecen as deficiencias”.

José Antonio Valencia reclámalle ao goberno local que procure unha pronta solución a esta estrada, “pero ademais a outras vías municipais que tamén presentan problemas e que, de seguir no actual estado de desatención, seguro que sufrirán o mesmo deterioro”.

MELLORA DA SINALIZACIÓN HORIZONTAL ENTRE CALVOS DE RANDÍN, OS BLANCOS E XINZO DE LIMIA.

Tamén no ámbito das infraestruturas, José Antonio Valencia avanzou o resultado das xestións que realizou ante a Deputación de Ourense para a mellora da seguridade viaria na estrada provincial que une Calvos de Randín cos Blancos e Xinzo de Limia. Unha vía “na que se precisa unha actuación sobre a sinalización horizontal para que estea en óptimas condicións”, sinalou.

Anunciou neste sentido que a área de Infraestruturas da institución provincial procederá neste exercicio e no próximo ano ao repintado da sinalización na calzada naqueles puntos onde necesita que se reforce a súa función para a seguridade do tráfico.

Relacionadas

A rúa Marcelo Macías estará pechada ao tráfico por obras desde o luns, no...

0
Os condutores disporán como itinerarios alternativos as rúas Camiño Romano, cara o Polvorín e o Camiño dos Ponxos, cara Barbadás Un tramo da rúa Marcelo...

A Xunta apoia a Festa do comercio local Veranear de Ribadavia no marco das...

0
O director xeral de Comercio e Consumo, Gabriel Alén, asistiu este serán á Festa do comercio local Veranear de Ribadavia, apoiada pola Xunta no...

Luis Menor, proclamado único candidato á presidencia do PP de Ourense

0
A comisión organizadora do 19º Congreso provincial extraordinario do Partido Popular de Ourense acordou hoxe por unanimidade proclamar a Luis Menor como único candidato...

Presentación do catálogo da exposición de Xaime Quesada Blanco: 1975-2006 A fugacidade do tempo

0
Esta mañá tivo lugar na Sala Valente a presentación do catálogo da exposición que, desde o día 9 de maio, se pode visitar neste...

O concelleiro Antonio Fernández asiste aos actos conmemorativos do 40 aniversario do edificio da...

0
Esta mañá tivo lugar o acto conmemorativo do 40 aniversario da inauguración do edificio da Comisaría Provincial de Ourense. O acto desenvolveuse na terraza cuberta...

Máis de 50 equipos disputarán mañá no Pazo Paco Paz o “3x·DepOUrense” que impulsan...

0
Haberá partidos durante toda a xornada, en categorías premini, mini, infantil, cadete, junior e senior. Durante as 11 horas de competición, tamén haberá actividades...

Publicacións Relacionadas