O alcalde Pérez Jácome reuniuse co equipo organizador da celebración macedá, para avanzar nos preparativos dunha Noite do Medo “de ensoño” na cidade
Os máis de cen actores que protagonizan desde hai anos O Pobo Fantasma de Chaioso volverán estar por segundo ano consecutivo en Halloween na Noite do Medo de Ourense, o 31 do vindeiro mes de outubro.
O alcalde de Ourense, Gonzalo Pérez Jácome, recibiu esta semana no Concello ao equipo que organiza a tradicional festa de Chaioso, para avanzar nos preparativos da súa participación na Noite do Medo de Ourense.
O goberno municipal aposta por consolidar o 31 de outubro nunha espectacular cita festiva na cidade, e asegura que “seguimos traballando nunha Noite do Medo de ensoño”.