Home Ourense A Limia Os seis grupos das Xornadas de Folclore destacan “a gran e calurosa”...

Os seis grupos das Xornadas de Folclore destacan “a gran e calurosa” acollida que reciben do público ourensán nas actuacións

- Anuncio -

Coas citas desta noite en Maceda e Viana serán dez as vilas da provincia percorridas polas Xornadas de Folclore, que xa superan o ecuador do programa. Os 180 integrantes das agrupacións folclóricas aseguran sentirse “moi arropados” pola organización e polos espectadores. Mañá os escenarios das actuacións estarán situados en Entrimo e Xinzo de Limia

Os participantes nestas Xornadas de Folclore, organizadas pola Deputación de Ourense a través do Centro de Cultura Popular Xaquín Lorenzo, destacan “a gran e calurosa acollida” que están recibindo por parte do público ourensán. Aseguran, ademais , sentirse “moi arropados”, tanto pola organización como polos espectadores que enchen cada noite os espazos de actuación. Esta noite a cita dobre será na Praza das Toldas de Maceda e na Esplanada do Pavillón de Viana. Será ás 22.30 horas.

Mañá, 13 de agosto: Entrimo e Xinzo de Limia

As músicas e danzas de catro continentes continúan o viaxe pola provincia ourensá. Bolivia, Tahití e Ucraína chegarán a Xinzo de Limia. O grupo Hei Show Tahití “Ori” naceu na cidade francesa de Toulon e conta con máis de 150 integrantes, que forman parte da comunidade de Tahití residente no sur de Francia. É unha asociación composta por unha escola de danza e un grupo de danza , que ten como obxectivo promover e compartir a cultura polinesia, en particular a da Polinesia Francesa, así como a salvagarda de “Ori Tahití”, cuxa tradución literal é “danza tahitiana”, unha expresión artística orixinal enraizada nunha tradición afastada.

Dende a cidade canadiense de Regina chega o grupo Poltava, formado por 50 membros descendentes de emigrantes ucraínos, nos que se inclúen bailaríns, músicos e cantores. A súa orixe data de 1922, ano no que se creou unha orquestra de cordas infantil. O seu repertorio é único con danzas do seu país, pero tamén representa a cultura dalgúns países fronteirizos con quen comparten tradicións. Ten un elevado nivel de formación técnica en danza Ucraína, pero tamén noutros tipos de danza como clásica e folk. Será ás 20,30 horas, na Praza Carlos Casares de Xinzo de Limia.

As agrupacións Tungurahua, de Ecuador; Amezebra, de Sudáfrica e o Ballet Folclórico Latinoamericano Santiago del Estero, de Arxentina representarán as historias recollidas nas tradicións dos seus pobos en Entrimo. Será ás 20,30 horas, na Alameda.

Relacionadas

A Deputación remarca a pegada de “Sempre en Galiza” na cultura galega nas xornadas...

0
Rafa Domínguez recordou que o manuscrito orixinal “dun dos testemuños máis destacables da actividade de Castelao, no que da voz ao momento que vivía...

A Deputación inviste 790.000 euros na mellora da seguridade viaria da estrada provincial EP-2703...

0
A deputada de Infraestruturas Públicas, Isabel Couselo, percorreu tramos desta estrada provincial xunto coa alcaldesa de Ponteareas e tamén deputada provincial, Nava Castro, para...

A Xunta realiza un simulacro de activación do Plan de Emerexencia Exterior de CEPSA...

0
O director xeral de Emerxencias e Interior, Santiago Villanueva, participou na coordinación do exercicio para comprobar a eficiencia do operativo ante unha emerxencia realDurante...

Luisa Sánchez anima a cidadanía a participar na II Andaina do Maúxo organizada pola...

0
A vicepresidenta da Deputación de Pontevedra, Luisa Sánchez, participou este martes na Alameda de Vigo na presentación da II Andaina do Maúxo, que organiza...

Isabel Couselo reúnese con Patrimonio da Xunta de Galicia para avanzar en proxectos en...

0
A deputada de Infraestruturas Públicas, Mobilidade e Contratación Isabel Couselo acaba de reunirse no edificio da Xunta de Galicia de Pontevedra con responsables e...

A Deputación esgota as prazas para a nova xeira de visitas guiadas ao convento...

0
En menos de dous minutos cubríronse as 120 prazas dispoñibles para as visitas, que terán lugar os días 7, 8, 15, 16, 22 e...

Publicacións Relacionadas