INSTAN O GRUPO DE GOBERNO PARA A LEGALIZACIÓN, MANTEMENTO E LIMPEZA DAS FOSAS SÉPTICAS DE SANEAMENTO DOS POBOS DO IRIXO QUE O TEÑEN EVITANDO ASÍ O PAGOS DAS SANCIONS ANUAIS A CHMS
O Portavoz do Grupo Municipal Socialista do Concello de O Irixo, Iago Fariñas Valiña, presenta unha moción para ser tratada no próximo Pleno da Corporación, PARA A LEGALIZACIÓN, MANTEMENTO E LIMPEZA DAS FOSAS SÉPTICAS DE SANEAMENTO DOS POBOS DO IRIXO QUE O TEÑEN EVITANDO ASÍ O PAGOS DAS SANCIONS ANUAIS A CHMS.
Que xa o pasado 8 de setembro de 2017 e o 9 de xullo de 2021, os socialistas presentamos e levamos o pleno sendas mocións para DOTAR DE SANEAMENTO OS MÁIS DE 30 POBOS DO IRIXO QUE NON TEÑEN, case 5 anos despois O Irixo segue con esta gran deficiencia dun servizo básico tan importante, xa que O Irixo na actualidade ten case a metade dos núcleos de poboación sen servizo de saneamento, algún incluso sen abastecemento de auga corrente.
Que dos pobos do Irixo que si teñen o servicio básico de saneamento, este e na súa maioría é totalmente deficiente. Mal executado, outras incompleto, as súas fosas sépticas non están legalizadas e/ou non cumpren ca legalidade e en case tódolos casos a falta de mantemento e limpeza e unha constante.
O servizo e deficiente, non existe un control e plan de limpeza de baleirados de fosas sépticas e lodos, e na maioría dos casos estes verten incontroladamente a silveiras ou os propios rios do Irixo.
A ilegalidade dos poucos saneamentos dos pobos do Irixo, fai que todos los anos o Concello deba pagar a Confederación Hidrográfica Miño Sil, preto de 30 mil euros do orzamento municipal en sancións a conca hidrográfica, que se levan pagando durante anos, diñeiro publico que se podería ter invertido en dotar a case metade dos pobos do Irixo do saneamento que non teñen en pleno século XXI.
En pleno século XXI o goberno municipal non e capaz de legalizar e acometer estes servicios básicos para a súa veciñanza, pero si se anuncian obras e proxectos para atraer os de afora O Irixo mentres non se fai nada por mellorar a vida polos que residen dentro do Irixo.
Por todo o manifestado, o Grupo Municipal Socialista do Concello de O Irixo presenta para a súa consideración e aceptación polo Pleno Municipal a seguinte MOCIÓN instando ó Concello a:
1º.- Que o Concello de O Irixo mediante unha modificación de crédito habilite unha partida orzamentaria para poñer en marcha cos seus propios medios e/ou a axuda de outras administracións (Xunta e Augas de Galicia, fondos europeos, etc…) a legalización das fosas sépticas dos pobos que si teñen saneamento que evite o pago anual de sancións a CHMS.
2º.- Que se acometa un plan de mantemento e limpeza de baleirados de fosas sépticas e lodos, evitando que na maioría dos casos estas vertan incontroladamente a silveiras e os rios do Irixo.
3º.- Que se fagan as xestións necesarias para cumprir os acordos plenarios das mocións socialistas presentadas e levadas os plenos para DOTAR DE SANEAMENTO A CASE A METADE DOS POBOS DO IRIXO QUE NON TEÑEN presentadas polos socialistas e que case 5 anos despois o grupo de goberno nada fixo.