A Concellería de Igualdade organiza un acto institucional, a entrega do Premio Clara Campoamor, unha exposición, actividades para estudiantes (teatro, contacontos, cluedo e Scape room) e obradoiros de sexualidade para as ANPAs
O Concello de Ourense celebra o 8-M, Día Internacional das Mulleres 2024 cunha programación de actividades co lema “Todas somos diferentes” que se desenvolverán durante as vindeiras semanas. A carreira da muller do pasado domingo foi a primeira das citas que se sucederán na cidade, ás que se sumarán nos próximos días un acto institucional no salón de plenos, a entrega do XVIII Premio Clara Campoamor ao grupo The Tetas´ Van, unha charla, actividades para estudantes de diferentes ciclos formativos, como unha exposición, teatro, contacontos, un cluedo e un Escape Room; e obradoiros de sexualidade para asociacións de nais e país. Estas son as propostas:
DOMINGO, 3 DE MARZO
Carreira da Muller
MARZO E ABRIL
Exposición: FLORA, ou a educación dunha nena na sociedade tradicional, no edificio de ferro da Facultade de Educación e Traballo Social
MÉRCORES, 6 DE MARZO.
Obra de teatro Insubmisa, no Auditorio, ás 11.30 h, para alumnado de 4º da ESO e Bacharelato
XOVES, 7 DE MARZO
Charla de mulleres en Mur Marxinal, de 19.00 a 21.00 h. Actuación musical con Cristina Eiró e María Mendoza
VENRES, 8 DE MARZO
Lectura de manifesto, no salón de plenos do Concello, ás 11.00 h
VENRES, 8, A DOMINGO, 10 DE MARZO
Iluminación da Ponte Vella e da fonte de Concepción Arenal con motivo do Día Internacional das Mulleres 2024.
LUNS, 11 DE MARZO
Entrega do XVIII Premio Clara Campoamor, no Liceo de Ourense, ás 20 h.
LUNS, 18 DE MARZO
Obradoiro de educación sexual para familias de Primaria, no CIMM, de 17.00 a 19.00 h
MARTES, 19 DE MARZO
Obradoiro de educación sexual para familias de Secundaria, no CIMM, de 17.00 a 19.00 h
Outras actividades nos centros educativos serán os contacontos teatralizados O tesouro, de Trécola Teatro, desde o día 11 de marzo, para alumnado de 3 a 11 anos; o xogo Cluedo pola Igualdade, a cargo de Yuka, desde o día 12, en varios colexios para alumnado de 5º e 6º de Primaria e o Escape Room Estrelas, de Territorio Comanche, desde o día 21, para alumnado de Secundaria
