O presidente da Deputación de Ourense, Manuel Baltar, mantivo unha reunión de traballo no Pazo Provincial co alcalde de San Cibrao das Viñas, Manuel Pedro Fernández
O goberno provincial comprométese no ensanche do vial que transcorre dende Vilanova ata Soutopenedo xunto á construción dunha senda peonil para mellorar a seguridade da veciñanza
“O proxecto está xa moi avanzado; coa colaboración entre Deputación e Concello tentaremos que se execute o antes posible”, afirmou o alcalde de San Cibrao das Viñas, Manuel Pedro Fernández
O presidente da Deputación de Ourense, Manuel Baltar, mantivo unha reunión de traballo co alcalde de San Cibrao das Viñas, Manuel Pedro Fernández, para analizar as liñas de colaboración abertas entre ambas administracións e perfilar novas iniciativas de cooperación nos próximos meses.
O presidente do goberno provincial comprometeu a axuda da Deputación para ensanchar o vial que transcorre dende Vilanova ata Soutopenedo xunto á construción dunha senda peonil para mellorar a seguridade da veciñanza. “Un proxecto importante e que xa está moi avanzado. Coa colaboración entre Deputación e Concello tentaremos que se execute o antes posible”, resaltou o alcalde de San Cibrao das Viñas, Manuel Pedro Fernández, despois da reunión celebrada no Pazo Provincial. O inicio das obras está previsto para finais deste ano 2022.