Home Ourense A Xunta colabora con Boeing na posta en marcha da Tecnópole da...

A Xunta colabora con Boeing na posta en marcha da Tecnópole da súa primeira aula permanente de aprendizaxe de ciencias, tecnoloxía, enxeñaría e matemáticas

- Anuncio -

— A ‘Aula Newton’, que demostrou o seu éxito en Noruega, Dinamarca e Escocia, instalarase en San Cibrao das Viñas e está dirixida a estudantes de 14 a 16 anos de toda Galicia

— A colaboración do Goberno galego neste proxecto enmárcase no programa de vocacións do Polo Aeroespacial de Galicia

— A inscrición para os centros de ensino secundario de Galicia interesados xa está aberta

A Xunta de Galicia colabora coa empresa Boeing e a organización sen ánimo de lucro FIRST Scandinavia na posta en marcha no Parque Tecnolóxico de Galicia (Tecnópole) de San Cibrao das Viñas da primeira Aula Newton de España. Trátase dunha grande oportunidade para que estudantes de entre 14 e 16 anos se acheguen ás materias de ciencia, tecnoloxía, enxeñaría e matemáticas (STEM) dun xeito innovador, empregando equipos de alta calidade, colaborando, debatendo e divertíndose.

O apoio do Goberno galego a esta iniciativa enmárcase no programa Voando alto, sumando vocacións do Polo Aeroespacial de Galicia, que ten como obxectivo fomentar as vocacións científico-tecnolóxicas entre a mocidade para espertar o interese polas carreiras STEM e no que a Xunta conta coa colaboración das empresas Boeing, Indra e Babcock, o Instituto Nacional de Técnica Aeroespacial (INTA) e o Centro de Investigación Aeroportada de Rozas (CIAR).

Dous anos despois de que unha Aula Newton móbil recalara na cidade de Lugo, equiparase un grande espazo de aprendizaxe permanente na Tecnópole, unha entidade que conta cunha ampla experiencia na organización de actividades educativas para a mocidade como a Feira Galiciencia ou as Aulas Tecnópole.

Este tipo de iniciativas teñen un formato de éxito probado en Noruega, onde hai máis de 40 aulas permanentes e encaixan especialmente ben nas zonas rurais, permitindo que os estudantes melloren as súas habilidades en materias STEM baixo a supervisión de profesores especializados. A inscrición para que os centros de ensino secundario galegos participen xa está aberta na páxina web.
Boeing no Polo Aeroespacial de Galicia
Boeing é unha das empresas tractoras do Polo Aeroesapacial de Galicia e desenvolve o proxecto Xestión e seguridade de tráfico para espazos aéreos compartidos, a través da fórmula da Compra Pública Precomercial impulsada pola Xunta.

O principal obxectivo deste proxecto, de 18 meses de duración, denominado Galician SkyWay, foi o desenvolvemento de solucións tecnolóxicas que permitiran avanzar nos retos operativos e de seguridade relacionados co despregamento de sistemas non tripulados en espazos aéreos compartidos.

A implantación deste proxecto incluía unha serie de actividades complementarias, clave para o desenvolvemento socioeconómico de Galicia, como un convenio coa Universidade de Vigo, a organización dos Drone Days para estudantes no Centro de Investigación Aeroportada de Rozas (CIAR), e a construción dun simulador de voo no laboratorio de Boeing no campus de Ourense, ademais da instalación dunha Aula Newton portátil en Lugo en 2019 á que asistiron preto de 1200 persoas.

Relacionadas

A Deputación lidera un grupo de traballo para previr os efectos do cambio climático...

0
O deputado de Innovación e Desenvolvemento Sostible, Jorge Pumar, está a participar na reunión de lanzamento do proxecto ThermEcoWat que se celebra estes días...

O Marcos Valcárcel acollerá o 2 de abril o remate do curso 23-24 do...

0
O acto incluirá un concerto didáctico e unha Máster Class do artista armenio Hovhannes Karakhanyan, especialista na frauta coñecida como “Duduk”, instrumento con máis...

A nova liña 6 de autobuses urbanos entrará en servizo o vindeiro luns, con...

0
Cruzará a cidade de Norte a Sur e unirá puntos clave como a estación intermodal, O Couto Norte, centro cidade, residencia e Barrocás O Pavillón...

Rueda destaca o patrimonio cultural, a paisaxe e a gastronomía como principais atractivos turísticos...

0
― Resalta que cómpre “coidar e facer sostibles” os elementos que identifican á comunidade porque o turismo “é unha parte moi importante da economía”...

A Xunta convoca axudas por 1,63 millóns de euros para impulsar proxectos de conservación...

0
— Ángeles Vázquez anuncia que desde mañá xa se poden pedir subvencións para obras, proxectos e campañas de sensibilización nestes espazos por importe de...

A Xunta destaca o papel do Programa Mentor na formación e emancipación de adolescentes...

0
O obxectivo é facilitar a mozos que están no sistema de protección as ferramentas que necesitan para que poidan desenvolverse tanto persoal como profesionalmente O...

Publicacións Relacionadas