Home Ourense A Aula Gastronómica Galicia Calidade achega ao estudantado do IES Vilamarín a...

A Aula Gastronómica Galicia Calidade achega ao estudantado do IES Vilamarín a excelencia dos productos certificados pola marca

- Anuncio -

A xerente de Galicia Calidade, Ana Méndez, asistiu á masterclass do cociñeiro Javier Outomuro para 40 alumnos e alumnas de ciclos vinculados á hostalería do centro educativo ourensán

O cociñeiro Javier Outomuro, propietario do Restaurante A Taberna (Ourense), foi o encargado de levar ao IES Vilamarín a segunda cita da nova edición da Aula Gastronómica Galicia Calidade, que se desenvolveu ante 40 estudantes dos ciclos vinculados á hostelería do centro educativo ourensán.

A xerente de Galicia Calidade, Ana Méndez, puxo en valor a contribución desta iniciativa á formación dos futuros e futuras protagonistas da restauración na Comunidade, ao darlles a oportunidade non só de coñecer de primeira man os produtos e marcas que se aglutinan baixo o selo Galicia Calidade, dependente da Vicepresidencia segunda e Consellería de Economía, Empresa e Innovación, senón de facelo, ademais, mediante o traballo dunha experimentada figura da gastronomía galega, como é o caso de Outomuro.

Nas súas palabras, “é importante que saiban do valor e das propiedades destes produtos de primeira calidade, para que así poidan valorar a importancia de integralos no seu traballo, unha vez finalicen a súa formación”. Os alumnos e alumnas participantes nas distintas citas da Aula Gastronómica Galicia Calidade terán a oportunidade de participar no sorteo dunha cea ou comida no restaurante que elixan de entre os que participan na iniciativa.

Na Aula Galicia Calidade participa tamén a Fundación Artesanía de Galicia cos utensilios precisos para elaborar e presentar o menú. Esta colaboración na súa iniciativa Artesanía no Prato, coa que quere establecer sinerxías entre artesanía, gastronomía e deseño.

Menú da masterclass
Javier Outumuro presentou ante os e as 40 estudandes do centro un menú composto por grelos e marisco das rías galegas, fabas de Lourenzá con zamburiñas e polbo, e lomo de pescada de Celeiro sobre crema de mango e pimentón de Herbón.

As empresas Galicia Calidade participantes nesta cita da foron Conservas A Rosaleira, Feiraco, Jealsa-Rianxeira, Luis Escurís Batalla, Terras da Mariña, Gallego Pereira, Puerto de Celeiro e Pementos Carmucha.

Traxectoria profesional
Javier Outomuro conta cunha larga traxectoria profesional no mundo da hostalería. Iniciouse neste campo en Suíza, e tras voltar a Galicia, en 2003 abriu o Restaurante A Taberna, que conta desde desde 2014 cun Sol Repsol.

A Aula Gastronómica Galicia Calidade continuará a súa andadura coa cita do 23 de marzo no CIFP Compostela de Santiago cunha clase maxistral de Yayo Daporta. Pechará o mes no CIFP Manuel Antonio de Vigo, onde estará Héctor López o día 29 con dous obradoiros para o alumnado.

Relacionadas

A Xunta destaca a importancia do deporte para cara a plena inclusión das persoas...

0
A directora xeral Begoña Abeijón participou hoxe na inauguración dos XXIV Xogos Autonómicos de Atletismo de Special Olympics Galicia A directora xeral de Persoas con...

A Xunta organiza unha xornda técnica sobre o benestar laboral no marco unha empresa...

0
― O Instituto de Seguridade e Saúde Laboral de Galicia (Issga) celebrou esta semana esta xornada que dá comezo aos actos organizados co gallo...

Diego Calvo, acompañado do director xeral de Xustiza, José Tronchoni, asistiu na sede do...

0
O conselleiro de Presidencia, Xustiza e Deportes, Diego Calvo, acompañado do director xeral de Xustiza, José Tronchoni, asistiu esta mañá na sede do Tribunal...

A Xunta investirá máis de 7,5 millóns de euros na retirada dos residuos da...

0
— Ángeles Vázquez explicou que as actuacións previas comezarán a próxima semana e que as obras de escavación e extracción do material para o...

Román Rodríguez anuncia que o alumnado do Instituto IES Valle-Inclán poderá estrear as primeiras...

0
— Salienta a envergadura da obra neste edificio histórico que cualifica como “unha das catedrais educativas que temos en Galicia” cun investimento de 4,7M€ —...

José López destaca a “implicación e iniciativa” dos correspondentes xuvenís e avanza novas accións...

0
— O Conselleiro de Cultura, Lingua e Xuventude visita os mozos e mozas deste programa autonómico de transmisión da información xuvenil, que esta fin...

Publicacións Relacionadas