O Programa Cultural de Verán “Barbadás é Cultura” comeza este xoves 21 de xullo as 21h coa actuación máxica de Dani García que propón o espectáculo “Tin” no Parque dos Patos da Valenzá. Actuación organizada pola concellaría de Cultura de Barbadás.
Sinopse:
Acabando de chegar de algún lugar afastado, doutro tempo e doutro modo de facer, e perdido no presente, no eíqui, no agora, está o noso viaxeiro protagonista, o noso coleccionista de linguas. Non hai imposibles que se resistan a unha persoa inxeñosa, pois unha simple idea en mans de quen non se rinde pode cambiar o mundo.
Tin é unha máquina a través da que o mago e o público, deben descubrir e resolver grandes misterios.
Unha montaxe moi espectacular, unha máquina que xira sobre si mesma para resolver problemas con increibles maxias cooperativas co público: desaparicións, levitacións, aros …
Esta actuación ten unha duración de 60min é vai dirixida a un público familiar. En caso de choiva a actuación farase na Casa da Cultura.
