Home Terra de Caldelas Castro Caldelas O XVII Festival Pórtico do Paraíso estrea como escenario o castelo de...

O XVII Festival Pórtico do Paraíso estrea como escenario o castelo de Castro Caldelas e programa cinco concertos

- Anuncio -

Na presentación deste evento cultural, o vicepresidente segundo e deputado de Cultura, César Fernández, puxo en valor “un evento moi consolidado na axenda cultural da provincia”

O director da Axencia Galega das Industrias Culturais (Agadic), Jacobo Sutil, enxalzou a aposta do evento pola música clásica, definíndoo como un “festival diferencial”

O director do festival, Juan Enrique Miguéns, detallou a programación do certame, que contará con 5 concertos de músicos nacionais e internacionais e celebrarase do 3 ao 12 de maio en Ourense, Castro Caldelas e Cea.

O XVII Festival Pórtico do Paraíso, patrocinado pola Deputación de Ourense, ofrecerá do 3 ao 12 de maio cinco concertos de músicos procedentes de Polonia, Serbia, Francia, España e Galicia. Nesta edición estréase como escenario o castelo de Castro Caldelas, que se suma ao mosteiro de Santa María de Oseira e á capela de Santo Ángel, o Teatro Principal e o Liceo en Ourense.

O vicepresidente segundo e deputado de Cultura, César Fernández puxo en valor este certame, afirmando que é “un evento moi consolidado na axenda cultural da provincia”. Destacou que este festival “une dous elementos dos máis importantes que temos na provincia, a música e o patrimonio, combinación que dá como resultado unha calidade extraordinaria e moi atractiva para o público”.

O director da Agadic, Jacobo Sutil, afirma que este é un “festival diferencial”, pois descentraliza a programación e pon en valor o noso patrimonio natural e arquitectónico”.

Juan Enrique Miguéns agradeceu o patrocinio da Deputación de Ourense e a colaboración da Agadic. Asegurou que esta edición “é moi fiel ao noso estilo, á nosa maneira de facer as cousas, de levar música de distintas épocas e estilos, dende a música medieval ata a de autores vivos, aos espazos da cidade e da provincia”.

Programación

O festival principia o día 3 de maio no Liceo de Ourense cun concerto do cuarteto vocal Cantoría, procedente de Barcelona. O día 5, no castelo de castro Caldelas, o concerto correrá a cargo da polaca e Paulina Ceremuzyunska e o galego Manuel Vilas. No Teatro Principal, o día 7, porase en escena unha moderna proposta titulada Música e memes. Xa o día 10, na capela do Santo Ángel, Milos Milivojevic ofrecerá un concerto de acordeón e, finalmente, o grupo francés Diabolus in música actuará o día 12 no mosteiro de Oseira.

Aos concertos súmaselle, como se ven facendo dende hai anos, a visita o día anterior ao inicio do evento, de varios músicos ao conservatorio, onde terán un encontro informal co estudantado.

Toda a información deste certame, así como da súa programación e da venda de entradas, está dispoñible na páxina web www.porticodoparaiso.com.

Relacionadas

A Deputación concede preto de 34.000 euros ao Concello do Rosal para a adquisición...

0
Trátanse de recursos do Plan Extraordinario de Infraestruturas Deportivas que distribuíron xa máis de 1,7 millóns de euros entre 28 concellos da provincia de...

A Deputación aproba máis de 30.000 euros para que o Concello da Lama mellore...

0
Estes recursos enmárcanse no Plan Extraordinario de Infraestruturas Deportivas que xa mobilizou máis de 1,7 millóns de euros entre 28 concellos da provincia de...

A Deputación celebra o Día do Libro cun contacontos e diversas propostas dixitais para...

0
O ilustrador Marc Taeger e o contador de contos Caxoto serán os encargados da actividade que se celebrará o vindeiro martes 23 de abril,...

A deputada Isabel Couselo supervisa en Portas as obras na EP-8004 Caldas-Vilanoviña, nas que...

0
Na súa visita percorreu xunto co alcalde de Portas, Ricardo Martínez, un tramo no que se están a executar as obras de renovación de...

A Deputación de Pontevedra aconsella tratar as camelias ante os pulgóns e o ácaro...

0
A Estación Fitopatolóxica de Areeiro recomenda manter a vixilancia ante o mildio nas viñas, así como revisar os buxos por se se precisa tratar...

Luis López anuncia a aprobación do novo Plan Director de Sobroso, con 1,5 millóns...

0
O proxecto recolle actuacións en materia de accesibilidade, iluminación, novos equipamentos ou deseño de actividades complementarias, entre outras A Xunta de Goberno da Deputación aprobou...

Publicacións Relacionadas