Este luns 12 de maio asinouse o convenio de colaboración entre a Fundación Museo Naval e a Deputación da Grandeza de España e a Fundación Cultural da Nobreza de Española que supoñerá a instalación da exposición “Felipe VI. Unha década da historia da coroa de España” na Escola Naval Militar de Marín
Este luns 12 de maio tivo lugar no Museo Naval de Madrid a firma do convenio de colaboración entre a Fundación Museo Naval dunha parte e a Deputación Permanente da Grandeza de España e Títulos do Reino e a Fundación da Nobreza Española doutra que supoñerá a montaxe da exposición temática sobre o reinado do noso monarca A súa Maxestade Felipe VI baixo o título de “Felipe VI. Unha década da historia da Coroa de España” nas instalacións da Escola Naval Militar de Marín (Pontevedra) entre o 5 de xuño e o 17 de xullo.
Este acordo supón a implicación da Fundación Museo Naval, a través do Instituto de Historia e Cultura Naval da Armada, en toda a montaxe, desenvolvemento e promoción da exposición nas instalacións do denominado Casino de Alumnos Almirante Bonifaz da Escola Naval de Marín (Pontevedra). A exposición, que ao longo do seu percorrido por varias cidades xa foi visitada por preto dun millón e medio de persoas, conterá un importante percorrido gráfico e audiovisual centrado nos dez anos de reinado do Rey Felipe VI. A exposición contará ademais coa colaboración institucional do Concello de Marín. Asistiron á firma do acordo de colaboración o director do Instituto de Historia e Cultura Naval, Enrique Torres Piñeyro, o comandante director da Escola Naval Militar de Marín, capitán de navío Pedro Cardona Suanzes, e a decana da Deputación da Grandeza de España, María Cristina de Ulloa e Solis-Beaumont, duquesa de Arcos.
