Será o sábado, 2 de outubro, e foi presentada polas membros da asociación e pola concelleira, Itziar Álvarez.
O próximo 2 de outubro, a Asociación Bolymar realizará a XIV Xuntanza de Bolillos, que foi presentada esta mañá polas representantes da asociación, xunto coa concelleira Itzar Álvarez.
Está previsto que participen sobre 300 palilleiras de varios sitios de Galicia e León. Poderá visitarse a xuntanza de 10.30 a 14 e de 16.30 a 19 horas no Instituto Illa de Tambo.
Ao mesmo tempo, pero desde este sábado 24 de setembro, no Museo Manuel Torres poderase desfrutar dunha pequena mostra dos traballos feitos por esta asociación, fotografías e carteis, que tamén se poderán ver o mesmo domingo no transcurso da Xuntanza. A exposición estará aberta ata o 9 de outubro.