A campaña conta coa colaboración do Concello de Redondela e a Xunta de Galicia
A campaña de premios sorteará 3.000€ en vales de compra e centros de premios directos, os comercios poderán repartir os boletos da sorte entre o 10 de decembro e o 10 de xaneiro.
Os premios máis frescos do Nadal estarán na ruleta da sorte da Praza de Abastos de Redondela o 22 de decembro.
CAMPAÑA DE PREMIOS
A Campaña de Nadal comprende un conxunto de actuacións para a dinamización das compras no comercio local que pivotan en torno a unha gran campaña de premios dotada con 3.000€ en vales de compras.
Pero ademais cada comercio ten a súa “microcampaña” agochada baixo este mesmo mecanismo de boletos, de modo que poderemos ser os afortunados gañadores de centos de premios directos coas nosas compras no comercio local.
- Desta maneira a Asociación actúa como palanca do comercio local, sendo unha ferramenta útil que permite a cada establecemento crear a súa propia estratexia de promoción.
- Son case 100 son os establecementos que participan nesta campaña e que terán de prazo entre o 10 de decembro e o 10 de xaneiro para repartir os 40.000 boletos da sorte.
- Adicionalmente a Praza de Abastos tamén contará con sorpresas particulares, neste caso o 22 de decembro a gran Ruleta da Sorte estará en horario de 11:00 a 13:00h na praza de abastos repartindo multitude de premios e vales de comprar para consumir no mercado. Aquí teremos os
agasallos máis frescos do Nadal e sorpresas para que toda a clientela teña o seu premio por mercar na Praza de Abastos.
