UNHA RECEITA DE COCIÑA NOS VERSOS DE ROSALÍA QUE BUSCAREMOS REINTERPRETAR PARA FACER UN CHAMENTO A CELEBRAR O DÍA DE ROSALÍA NA HOSTALARÍA.
As accións previstas promoven a participación de librarías e hostaleiros.
No caso das librarías dáse continuidade a unha campaña de promoción das vendas dos libros en lingua galega, onde as compras de libros galegos realizadas o día 23 terán non so un desconto senón que tamén se agasallará cunha flor, para realzar o simbolismo de apoio a literatura e cultura galega.
A gran novidade neste ano 2023 ven da man do sector hostaleiro a quen se propón sumarse a campaña ven celebrar o “Día de Rosalía na Hostalaría”. Os hostaleiros que se sumen a campaña preparan as súas versións do singular CALDO DA GLORIA que se recolle nos versos de Rosalía, para sorprender ao cliente con este tradicional sabor da nosa terra. Os hostaleiros participantes beneficiaranse dun conxunto de accións de difusión entre as que destaca a gravación dun vídeo promocional en cada local.
Os establecementos que queiran participar pódense dirixir ao Concello de Redondela (SNL) ou enviar un correo a normalizacion@redondela.gal ou a Asociación de Empresarios de Redondela (telf. Ou whatsaap 658592332).
