• O espectáculo musical terá lugar o 30 de abril ás 20 horas no Auditorio Municipal de Cerdedo e a entrada será gratuíta
A Banda de Música de Cerdedo protagonizará este sábado 30 de abril un espectáculo musical baixo o título “O Camiño: Mitos e tradicións” que será interpretado a partir das 20 horas no Auditorio Municipal de Cerdedo.
Esta actuación, que conta coa colaboración do Concello de CerdedoCotobade e a Consellería de Cultura e Ordenación Universitaria da Xunta de Galicia, se enmarca dentro das actuacións que ten programada a Banda de Música de Cerdedo esta temporada na que se incorpora un novo repertorio que ten como nexo de unión os mitos e tradicións que rodean o Camiño Xacobeo a Santiago de Compostela.
A entrada será libre e gratuíta e os asistentes poderán gozar coa música dos compoñentes da Banda de Cerdedo que, nesta ocasión, estará reforzada pola incorporación de novos membros que entrarán a formar parte desta agrupación musical que é motivo de orgullo para todos os veciños e veciñas do municipio.
O alcalde, Jorge Cubela, animou á veciñanza a asistir a este concerto ao considerar que é unha magnífica ocasión para comprobar a evolución positiva dos músicos que compoñen esta Banda ao tempo que é unha boa opción para disfrutar dunha tarde de sábado con boa música en directo e con pezas relacionadas co Camiño de Santiago.