A concellería de Igualdade do Concello de Baiona organizará charlas e talleres gratuítos que se centrará na saúde feminina dentro da programación Baiona Lila do mes de novembro.
A posta en marcha deste ciclo con charlas e talleres busca dar luz sobre diferentes aspectos da saúde das mulleres, tanto física como mental. Estas actividades, dirixidas a mulleres de todas as idades, teñen como obxectivo mellorar o benestar físico e emocional a través de información práctica e recursos crave para o autocuidado. As charlas serán impartidas por Natalia Gantes Mella, licenciada en Ciencias da Actividade Física e o Deporte e experta en saúde feminina.
Estas xornadas celebraranse os días 6, 13, 20 e o 27 de novembro. Impartiranse no Multiusos de Sabarís en horario de mañá de 10:30 horas a 12:30 horas. En horario de tarde serán no Multiusos Ángel Bedriñana de Baiona de 18:00 horas a 20:00lh. Haberá unha sesión final conxunta o 27 de novembro ás 10:30 horas.
Este ciclo de charlas e talleres forma parte da programación “Baiona Lila”, a programación organizada polo Concello de Baiona, a través da concellería de Igualdade, con motivo do Día Internacional contra a Violencia de Xénero, que trae consigo un mes dedicado a actividades para sensibilizar e educar contra a violencia á muller no Concello de Baiona.
Todas as actividades son gratuítas e, para participar, é necesario inscribirse previamente na dirección electrónica cim@baiona.gal
Indicando:Nome, apelidos, teléfono, DNI e grupo no que se quere inscribir. Para máis información poden chamar ao CIM BAIONA no no teléfono 986 35 75 54.
