test
Home Deza Agolada A Deputación aproba 76.000 euros para realizar melloras en infraestruturas deportivas municipais...

A Deputación aproba 76.000 euros para realizar melloras en infraestruturas deportivas municipais de Agolada e Vila de Cruces

- Anuncio -

O Plan Extraordinario de Infraestruturas Deportivas xa mobilizou preto de 2,3 millóns de euros entre concellos da provincia de menos de 50.000 habitantes

Pazo provincial, 30 de abril de 2024. A Deputación de Pontevedra acaba de aprobar 76.000 euros de axudas para os concellos de Agolada e Vila de Cruces ao abeiro do Plan Extraordinario de Infraestruturas Deportivas, dotado con 4 millóns de euros. Os novos fondos servirán, no primeiro caso, para mellorar o campo de fútbol municipal e, no segundo, para acometer obras de mellora e ampliación do ximnasio municipal.

En concreto, os 31.444 euros que recibe o Concello de Agolada permitirán cambiar os focos que están instalados na actualidade no campo de fútbol municipal. Substituiranse os 16 focos, que son de haloxenuro metálico de 2.000 W, por tres módulos de 990 W tipo led, cun total de oito focos novos.

Pola súa banda, o Concello de Vila de Cruces destinará esta achega de 45.305 euros a unhas instalacións que, nestes momentos, dispoñen dunhas dimensións moi reducidas, polo que non dan cobertura á demanda. Desta maneira, ampliarase o local destinado a ximnasio con novas instalacións e procederase a modernizar, remodelar e mellorar as instalacións prevendo os espazos necesarios para cada actividade, de modo que se desenvolvan en condicións de comodidade e seguridade. Así, as diferentes salas de actividades (ximnasio, aula de actividades múltiples, sala de loita, etc.) disporán da superficies adecuadas.

O Plan Extraordinario de Infraestruturas Deportivas da Deputación, dirixido aos 59 concellos da provincia de menos de 50.000 habitantes, mobilizou ata o momento preto de 2,3 dos 4 millóns de euros do orzamento total, con achegas, ademais de para Vila de Cruces e Agolada, para A Cañiza, A Estrada, A Illa de Arousa, A Lama, Arbo, As Neves, Baiona, Barro, Cangas, Catoira, Cerdedo-Cotobade, Covelo, Crecente, Fornelos de Montes, Gondomar, Lalín, Marín, Meaño, Meis, Mondariz-Balneario, Moraña, O Rosal, Oia, Pazos de Borbén, Poio, Pontecesures, Redondela, Salceda de Caselas, Salvaterra de Miño, Silleda, Soutomaior, Valga, Vilaboa, Vilagarcía e Vilanova.

Relacionadas

O BNG denuncia o estado de abandono da rúa San Roque e insta a...

0
Desde hai meses, a rúa San Roque vén sufrindo problemas no tramo que discorre entre a gasolineira e a Praza da Independencia como consecuencia...

Adxudicadas as obras de mellora da mobilidade na rúa Trovador Xoán García de Guillade

0
• Completarase a plataforma única no entorno do parque Ferro Ucha e asfaltarase o tramo ata cemiterio • Tamén se rebaixarán os lombos redutores e...

Luis López certifica coa presentación de investimentos por máis dun millón de euros nas...

0
O presidente provincial, xunto coa vicepresidenta Luisa Sánchez, presenta a alcaldes e concelleiros destas comarcas proxectos valorados en máis dun millón de euros incluídos...

O Rosal continúa cos seus ‘Faladoiros no Xardín’ abordando a detección do abuso sexual...

0
A segunda sesión, a cargo da experta Teresa Calvo, será este xoves 20 de xuño ás 20.30 horas O Rosal continúa xerando espazos seguros nos...

Triple victoria para o UD Mos Feminino que se proclama campión galego en Infantil...

0
As abellas mosenses demostran que son a mellor opción para integrar ‘As Celtas’ O Concello de Mos organizoulles esta tarde ás xogadoras da Unión Deportiva Mos Feminino unha recepción...

O tomiñés Manu Ochoa, nos Xogos Olímpicos de París 2024

0
O Concello felicita ao primeiro deportista olímpico de Tomiño por este gran logro O Concello de Tomiño quere trasladar os seus parabéns ao deportista tomiñés...

Publicacións Relacionadas