Home O Salnés A Illa de Arousa A Deputación destina máis de 2,3 millóns de euros para que 15...

A Deputación destina máis de 2,3 millóns de euros para que 15 concellos da provincia contraten a 172 persoas desempregadas ao abeiro do Plan +Provincia

- Anuncio -

Benefícianse destes recursos os concellos de Caldas, Covelo, A Illa de Arousa, Lalín, Mondariz, As Neves, Oia, Pazos, O Porriño, Redondela, Rodeiro, O Rosal, Silleda, Tui e Vila de Cruces

Luis López: “Nun mes temos concedido xa 3,1 millóns para que 22 concellos da provincia poidan contratar a 253 persoas. Trátase de algo máis do 33,5% da liña 3 do Plan + Provincia”

Pazo provincial, 9 de febreiro de 2024. A Deputación acaba de aprobar en Xunta de Goberno destinar máis de 2,3 millóns de euros para que 15 concellos da provincia contraten a 172 persoas desempregadas ao abeiro da liña 3,de activación do emprego, do Plan + Provincia. Benefícianse destes recursos Caldas, Covelo, A Illa de Arousa, Lalín, Mondariz, As Neves, Oia, Pazos, O Porriño, Redondela, Rodeiro, O Rosal, Silleda, Tui e Vila de Cruces. “Nun mes –remarcou o presidente provincial Luis López- temos concedido xa 3,1 millóns para que 22 concellos da provincia poidan contratar a 253 persoas. Trátase de algo máis do 33,5% da liña 3 do Plan +Provincia, dotada con 9,25 millóns de euros, polo que seguimos dando pasos cara adiante nese modelo de pontes tendidas e de avance da provincia”.

Nesta Xunta de Goberno aprobouse destinar 337.000 € a Lalín para contratar a 21 persoas que se ocuparán de desempeñar postos de traballo de peóns de obras públicas (6), peóns forestais (4), peóns albaneis (4), auxiliares administrativos (2), condutores de tractores (2), condutor de pala (1), auxiliar de información turística (1) e técnico superior informática (1).

Redondela beneficiarase de 240.000€ da liña 3 do Plan +Provincia para contratar a 15 persoas como peóns de obras públicas (10), guías turísticos (3) e axudantes de servizos (2). No caso de Tui, as achegas ascenden a 219.000€ para contratar a 16 persoas que ocuparán os postos de peóns de horticultura (14), oficial carpinteiro (1) e oficial fontaneiro (1).

Pola súa banda O Porriño, con 210.000 €, contratará a 17 persoas que traballarán como peóns forestais (6), conserxes (3), peóns de obras públicas (2), analista de xestión (1), publicista (1), auxiliar enfermeiro (1), oficial de albanelería (1), oficial de soldador (1) e oficial de carpintería (1). Silleda recibirá 165.000€ para contratar a 10 persoas como peóns de obras públicas (7), tractoristas (2) e condutor de camión (1). E Caldas de Reis 150.000 euros para contratar a 7 persoas como peóns de limpeza (2), oficiais albaneis (2), peón de obra pública (1), condutor maquinista (1) e enxeñeiro forestal (1).

No caso de Vila de Cruces, beneficiarse de 146.000 euros da Liña 3 do Plan +Provincia para contratar a 10 persoas desempregadas como peóns de obras forestais (4), albaneis (2), condutores (2), operario de retroescavadora (1) e operario de maquinaria (1). A achega para O Rosal ascende a 123.000€ para 9 persoas que traballarán como peóns de limpeza (4), oficiais de obras (3), auxiliar de axuda no fogar (1) e oficial electricista (1). E outros 122.000 euros irán a Rodeiro para que poida contratar a 12 persoas como peóns de servizos múltiples (4), peóns de servizos diversos (3), técnicos de educación infantil (2), educación social (1), traballo social (1) e monitor socorrista (1).

Preto de 120.000 recibirá As Neves para que 8 persoas traballen no concello como operarios forestais (2), peóns de recollida de lixo (2), peóns de obras públicas (2), xardineiro (1) e fontaneiro (1). Máis de 110.000€ para que Covelo contrate a 14 persoas como peóns forestais (8), peóns de limpeza (2), condutores de camión (2), carpinteiro (1) e auxiliar administrativo (1). E outros máis de 110.000€ para que Mondariz poida contar con 8 persoas traballadoras como operarios de desbroces (4), operarios de recollida de lixo (2), auxiliar de axuda no fogar (1) e albanel (1).

Ademais, no marco destes recursos aprobados en Xunta de Goberno ao abeiro da liña 3 do Plan +Provincia, Oia recibirá 101.000€ para contratar a 7 persoas como peóns forestais (4), albaneis (2), condutor operario de maquinaria forestal (1); A Illa de Arousa 95.000 € para que 10 persoas traballen como operarios de servizos múltiples (8), auxiliar administrativo (1) e guía-informador turístico (1); e Pazos de Borbén 90.000 € para contratar a 8 persoas como peóns de obras públicas (3), peóns de servizos múltiples (2), oficiais de servizos múltiples (2) e auxiliar administrativo (1).

Relacionadas

A provincia de Ourense promociónase en BioCultura

0
A Deputación de Ourense, a través do Inorde co apoio da Axencia de Turismo de Galicia, está a participar nesta feira cun stand no...

Luis Menor e a alcaldesa de Riós analizan as necesidades do municipio e as...

0
Dentro da rolda de contactos que continúa a manter o presidente provincial cos alcaldes de toda a provincia, Luis Menor mantivo unha reunión coa...

A Deputación de Ourense levará a cabo un proxecto para modernizar o padrón municipal...

0
A vicepresidenta primeira do goberno provincial, Marta Nóvoa explicou hoxe aos rexedores dos concellos da provincia, os detalles deste proxecto que se presentará á...

Luis Menor preside a Rede de Vilas Termais da Federación Española de Municipios e...

0
O presidente provincial agradeceu a confianza e salientou que este acordo “supón o recoñecemento ao liderado e traballo que desenvolve a Deputación e a...

Luis López afirma que as axudas de ata 5.000 euros do programa +Xuventude serán...

0
O dirixente provincial coñeceu o proxecto Uvigo-SpaceLab, que impulsan estudantes da Escola de Enxeñería de Telecomunicacións e que conta co recoñecemento internacional O presidente da...

Covelo vístese de verde para visibilizar as enfermidades raras

0
Na noite do 28 para o 29 de febreiro a fachada do edificio do Concello iluminouse de verde para visibilizar este tipo de doenzas Con...

Publicacións Relacionadas