Poderán verse a partir do martes e serán o preludio dunha ampla exposición que a familia e o museo marinense preparan de cara ao próximo ano.
Desde o martes, o Museo Manuel Torres exporá a arte do pintor Alejandro Paisa, como
preludio da exposición que se organizará o ano que vén deste excelente pintor, facelido hai
uns anos, e que na última etapa da súa vida estivo afincado en Pontevedra.
Os cadros que se poderán ver foron doados esta semana pola familia do artista ao Museo,
polo que pasarán aos fondos propios museísticos de Marín. A última vez que o pintor
mostrou o seu traballo foi no Café Moderno, en 2014, dentro do proxecto “Unha mirada, dous tempos”, comisariado por Ramón Rozas e que xuntou a doce dos creadores máis importantes dos últimos cen anos en Pontevedra.
A concelleira Itziar Álvarez recibiu aos familiares do pintor na doazón das obras, aos que
agradeceu enormemente a súa xenerosidade e aos que lles trasladou a intención do Museo
Torres de poñer en valor e custodiar esta mostra da obra do pintor pontevedrés.
