• DENDE HOXE ATA O VINDEIRO VERNES ESTARÁ PRESENTE NA ÁREA EXPOSITIVA DESTE EVENTO, O MAIOR DE DRONS DO ANO EN ESPAÑA E QUE TEN LUGAR EN SEVILLA
• O CERTAME GALEGO SERÁ, DO 17 AO 19 DE NOVEMBRO, O PRIMERO A NIVEL NACIONAL QUE AGLUTINA DE FORMA DESTACADA A ESTES TRES SECTORES ESTRATÉXICOS E IMPRESCINDIBLES PARA GARANTIR O BENESTAR E A PROTECCIÓN SOCIAL
A Feira Internacional de Seguridade, Defensa e Emerxencias, SEDEXPO, segue promocionando a súa primeira edición, a cal se celebrará do 17 ao 19 de novembro no recinto Feira Internacional de Galicia ABANCA.
Así, dende hoxe e ata o vindeiro venres está presente en Unvex, o maior evento de drons do ano en España, o cal ten lugar en Sevilla.
Ademais de dispoñer dun espazo expositivo na feira, tamén se trasladou á capital andaluza un equipo comercial encabezado polo seu director, Ricardo Durán, para dar a coñecer Sedexpo 2022. Unha cita que a Feira Internacional de Galicia ABANCA, entidade que depende da Vicepresidencia Segunda da Xunta de Galicia, organiza co apoio da Vicepresidencia Primeira da Xunta, a Axencia Galega de Emerxencias (AXEGA), a Axencia Galega de Innovación (GAIN) e a Axencia para a Modernización Tecnolóxica de Galicia (AMTEGA), ademais da colaboración doutra vintena de entidades entre as que se atopan os ministerios de Defensa e Interior.
Sedexpo 2022, na cal xa confirmaron a súa presenza empresas líderes no sector, acode a este certame co obxectivo de seguir sumando expositores e intercambiar experiencias para crear un gran escaparate da industria de seguridade, defensa e emerxencias, ademais dun magnífico foro de coñecemento a través de xornadas técnicas de primeiro nivel, exhibicións, simulacros, talleres formativos ou entrega de distincións.
Será así un magnífico espazo para a interacción e o negocio. E para iso contará coa mellor localización posible, a Feira Internacional de Galicia ABANCA (Silleda, Pontevedra), un recinto con gran versatilidade que ofrece unha gran diversidade de espazos para todo tipo de actividades, tamén demostracións dinámicas.
Unvex
Unvex é un evento integral nacido en 2010 que conta con sete edicións celebradas en Europa e catro realizadas en América Latina. Deseñado e desenvolvido polo grupo IDS, media partner de Sedexpo, conta coa maior exposición do sector que se realiza en España, o seu ciclo de conferencias ofrece contido seleccionado por un comité técnico con gran cualificación e as súas demostracións inclúen todo tipo de sistemas remotamente tripulados
