A subdelegación de Defensa en Pontevedra celebrou o pasado venres o seu tradicional Día da Subdelegación. No acto, presidido polo delegado de Defensa en Galicia, o coronel Antonio Bernal Martín, a Fundación Semana Verde de Galicia recibiu unha placa conmemorativa pola súa contribución á difusión da cultura de defensa entre a cidadanía a través da Feira Internacional Abanca Semana Verde de Galicia e tamén, a partir de agora, coa celebración da Feira Internacional de Seguridade, Defensa e Emerxencias, Sedexpo. Este certame celebrará a súa primeira edición do 17 ao 19 de novembro.
Ricardo Durán, director da Fundación Semana Verde de Galicia, recolleu a placa de mans do subdelegado de Defensa en Pontevedra, o coronel Miguel Constantino Cortés Calvo.
