Xa está aberto o prazo para presentar solicitudes para as subvencións municipais do Concello da Guarda por concorrencia competitiva destinadas a actividades sociais, culturais e deportivas no municipio.
As entidades e persoas interesadas teñen de prazo ata o 14 de xaneiro no caso das actividades deportivas e ata o día 15 de xaneiro para as actividades sociais, culturais e deportistas individuais.
As bases e os anexos están publicados na web do Concello da Guarda ( https://www.aguarda.es/a-guarda-abre-o-prazo-para-solicitar-as-subvencions-deportivas-sociais-e-culturais-2/ ) e a presentación das solicitudes poden realizarse a través da sede electrónica ou do rexistro presencial.
