Home Vigo Mos A Louriña entre Todos, un proxecto de futuro para o Porriño e...

A Louriña entre Todos, un proxecto de futuro para o Porriño e Mos

- Anuncio -

• Os populares de Mos e do Porriño simbolizaron hoxe a alianza de ambos concellos nun acto no que participaron máis de 500 persoas

• Respaldando ao alcalde do Porriño, Alejandro Lorenzo, e á alcaldesa de Mos, Nidia Arévalo, estiveron Román Rodríguez, María Jesús Lorenzana, José González e Julio García Comesaña

A unión fai a forza. Baixo esta premisa os populares de Mos e do Porriño déronse cita hoxe na festa do val, `A Louriña entre todos´.
O alcalde do Porriño, Alejandro Lorenzo, e a alcaldesa de Mos, Nidia Arévalo, arroupados polos seus equipos e máis de 500 veciñas e veciños de ambos os dous concellos, presentaron o seu proxecto de futuro para a comarca, nun acto no que participou tamén parte importante do Goberno galego que estivo representado polo titular de Sanidade, Julio García Comesaña, o conselleiro de Cultura, Educación, Formación profesional e Universidades, Román Rodríguez, a responsable de Promoción do emprego e Igualdade, María Jesús Lorenzana, e o conselleiro de Medio Rural, José González Vázquez.
Alejandro Lorenzo, foi o encargado de abrir o acto apuntando que “fronte aos que queren alimentar un clima de división e confrontación política que nos condena a estancarnos nós respondemos con traballo, con iniciativas e cun proxecto de futuro sólido para reivindicar dous concellos que son motor do sur da provincia”. O rexedor incidiu en que ademais “o facemos con ilusión, con forzas renovadas e co apoio da veciñanza da comarca que coma nós o que quere é que o seu Concello siga progresando e ocupe o lugar que merece”.
No mesmo sentido se manifestou o conselleiro, José González, destacando que “hoxe estamos aquí os catro conselleiros apoiando a dous alcaldes fortes, que necesitan a maioría absoluta para seguir construíndo unha Louriña forte. Se non hai maioría, haberá un goberno de perdedores”
Pola súa banda, Julio García Comesaña reivindicou a man tendida dunha Xunta de Galicia “comprometida coa Louriña e coa sanidade”, como se demostra coa “ a ampliación do Centro de saúde de O Porriño con 4,5 millóns de euros e o gran complexo sociosanitario do Rebullón en Mos que contará tamén cun novo centro de saúde, o primeiro de Coidados Intermedios público, escola infantil e residencia de maiores”. “Son dous grandes alcaldes dunha gran comarca”, concluíu.
María Jesús Lorenzana afirmou que “os que nos dedicamos ao emprego, precisamos de alcaldes e alcaldesas como eles. Alcaldes que crean o contexto axeitado para que se instalen as empresas, que garanten solo, que axilizan licencias” e lembrou a aposta do Goberno galego por esta comarca cos 6,5 M de euros que destinaron aos autónomos da Louriña na pandemia.
Román Rodríguez concluíu destacando que Lorenzo e Arévalo son “dos mellores alcaldes non só da provincia senón de España. Son próximos, traballadores, dinámicos e con paixón”.
A alcaldesa de Mos, Nidia Arévalo, foi a encargada de clausurar as intervencións e o fixo reivindicando que “Mos e O Porriño se necesitan para crecer, para dar servizo”. A rexedora mosense incidiu en que “é imposible concebir esta comarca se non é desta maneira. Hoxe, con vós, simbolizamos a forza da Louriña, o cinturón azul, unha alianza e exemplo de concellos fortes, líderes en industria, en educación, en sanidade, en emprego…” e quixo agradecer o respaldo “da Xunta de Galicia, e do seu presidente polo apoio simbolizado hoxe nos catro conselleiros que nos acompañan”.
Ao rematar as intervencións os asistentes disfrutaron xuntos dunha boa tapa de callos da Louriña con Pan do Porriño.

Relacionadas

A Deputación inicia a incoación do expediente de honra a favor da doutora ourensá...

0
Marisa Crespo-Leiro (Cea, 1961), é un referente mundial no ámbito da insuficiencia cardíaca e os transplantes de corazón. Licenciada en Medicina pola Universidade de...

O Concello lanza un novo sorteo de 100 tarxetas regalo de 50 euros por...

0
A campaña arrancará desenvolverase entre o 1 e o 30 de abril. Pódese participar a partir de 30 euros de compra, depositando os tickets...

Cinco estreas na XIV Semana de Teatro Amador

0
O Teatro Municipal acollerá do luns 1 ao venres 5 as novas montaxes dos grupos de teatro CAI, Chirlomirlo, Aloia, San Fins, e A...

59 días para a marcha cicloturista Sestelo-Clásica Álvaro Pino

0
O alcalde de Covelo e a organización da marcha reúnense para ultimar os preparativos A 59 días da celebración deste evento que recorre o Condado,...

Aprazado para o sábado 6 e domingo 7 o III Encontro de Viños da...

0
Mantéñense as actividades paralelas no edificio da praza da Inmaculada Debido á adversa previsión do tempo para  a fin de semana o III Encontro de...

Actividade de Fotografía e Natureza aprazada

0
A actividade de Fotografía e Natureza programada para o día 30 queda aprazada pola chuvia ata novo aviso.

Publicacións Relacionadas