A Mancomunidade de Montes de Cerdedo-Cotobade presenta as Xornadas sobre o Monte as mañás dos sábados 15 e 29 de marzo

Nestos últimos meses unha equipa de persoas de diferentes puntos do territorio municipal fixeron posible a re organización e activización da Mancomunidade de Montes de Cerdedo-Cotobade. Así pois, logo dun “esforzo continuado e dos encontros precisos coas directivas das comunidades de montes das diversas parroquias logramos unir ata 12 entidades coas que comezar a nova andaina da rescatada mancomunidade”, explica Ernesto Filgueira, elexido Presidente da Mancomunidade de Montes de Cerdedo-Cotobade e Presidente da Comunidade de Montes de Viascón. Acompañao Antonio Troitiño, en calidade de Vicepresidente e Presidente da Comunidade de Montes de Carballedo, que explica: “ trátase dun importante proxecto de futuro que está chamado a ser un soporte de valor para as xuntas directivas das comudades de montes adheridas”. Ademáis, desta nova executiva forman parte Ana Avedaño Fraga como secretaria e Alejandro Pichel Alonso, en calidade de Tesoureiro; ámbolos dous pertencentes ás comunidade de montes de Aguasantas e Tenorio, como secretaria e vogal, respectivamente.
Froito do esforzo colectivo entre a executiva da Mancomunidade e as directivas das comunidades de montes dispostas a facer parte activa da como resultado o rescate e posta en marcha da actividade da Mancomunidade de Montes de Cerdedo-Cotobade. Unha entidade sen ánimo de lucro cuios principais obxectivos pasan por tecer unha canle de apoio e colaboración así como de protexer, diversificar e fomentar os valores naturais e sostibilidade das comunidades de montes en man común participantes, son: Comunidade de Montes de Caroi, Comunidade de Montes de Carballedo , Comunidade de Montes de Viascón , Comunidade de Montes de Corredoira , Comunidade de Montes de Loureiro, Comunidade de Montes de Borela, Comunidade de Montes de Almofrei, Comunidade de Montes de Fentáns e Comunidade de Montes de San Xurxo, Comunidade de Montes de Aguasantas, Comunidade de Montes de Rebordelo e Comunidade de Montes de Tenorio.
ARRANCA A ACTIVIDADE DIVULGATIVA DA MANCOMUNIDADE COA CELEBRACIÓN DUNHAS XORNADAS SOBRE O MONTE NO CENTRO CULTURAL ANTÓN FRAGUAS DE CARBALLEDO.
Co obxectivo de promover os valores do monte e as súas funcionalidades a mancomunidade anuncia a posta en marcha dunhas xornadas previstas para as mañás dos sábados 15 e 29 de marzo.
En ámbalas dúas participan oradores de prestixiosas entidades como a Asociación Forestal de Galicia, Axentes Forestais do Distrito Forestal Caldas-Salnés da Consellería de Medio Rural, da Misión Biolóxica de Galicia-Csic, da delegación Vigo-Morrazo de Adega, e da Comunidade Enerxética e de Montes de Buchabade.
A executiva da Mancomunidade que preside Ernesto Filgueira animou ás comuneiras e comuneiros das comunidades de montes asociadas a participar e a contribuir a difundir o evento entre a súa veciñanza. Cómpre destacar que se trata dun evento aberto a toda a cidadanía en xeral e entidades sociais do concello a fin de facer destas xornadas unha experiencia enriquecedora no ánimo de valorizar, aínda máis, a potencialidade, a biodiversiddade e a funcionalidade dos montes en man común.
Tanto o café como os agasallos que serán entregados aos oradores de cada xornada correrá a cargo do Concello de Cerdedo Cotobade.
PROGRAMA 15 de marzo
10:00h Recepción participantes.
10:15h Apertura da xornada.
10:30h 1ª PONENCIA: “Oportunidades do asociacionismo cara a xestión sostible dos montes veciñais”
Xosé Covelo Míguez. Enxeñeiro de Montes e Director da Asociación Forestal de Galicia.
11:00h 2ª PONENCIA: “A prevención dos incendios forestais nos núcleos rurais”
Antonio Breogán del Río. Distrito Forestal XIX Caldas-Salnés, Consellería do Medio Rural.
11:30h 3ª PONENCIA: “Tendencia dos incendios nos núcleos rurais”
Ana Novo Gómez. Investigadora Misión Bioloxica de Galicia-Csic.
12:00h Pausa café.
12:30h 4ª PONENCIA: “Impacto dos proxectos eólicos nas comunidades de montes”
Miguel Leirós. Técnico de Adega. Coordinador delegación Vigo-Morrazo.
13:00h 5º PONENCIA: “Experiencias de custodia do territorio e valorización de recursos ecosistémicos e biodiversidade” José Justo Vázquez. Vogal de custodia de Adega.
13:30h Peche da xornada.
PROGRAMA 29 de marzo
10:45h Recepción participantes.
11:00h Apertura da xornada.
11:15h 1ª PONENCIA: “A Comunidade Enerxética de Buchabade: unha experincia rematada”
Fernando Malvar Cortizo. Presidente Comunidade Enerxética e Tesoureiro da Comunidade de Montes de Buchabade. 12:00h 2ª PONENCIA: “Producións non madeireiras do monte”
Antonio Rigueiro Rodríguez. Presidente da Asociación Forestal de Galicia.
13:00h Peche da xornada.