- O Concello recibe da Xunta de Galicia unha subvención de 33.152 euros para a adquisición dun vehículo híbrido
- A policía local de Soutomaior poderá realizar as súas intervencións de forma máis sostible grazas á adquisición dun novo vehículo híbrido por parte do Concello. A nova incorporación á frota municipal será posible grazas á subvención do Fondo de Compensación Ambiental da Xunta de Galicia.
- O novo vehículo, modelo “ Suv” de 5 prazas, “é unha forma de apostar pola mobilidade sostible no municipio, reducindo o uso de combustibles fósiles e as emisións de gases contaminantes”, explicou o alcalde de Soutomaior, Agustín Reguera.
- O orzamento total dedicado á adquisición do novo vehículo é de 44.800 euros que serán financiados entre a Xunta de Galicia, que cobre o 74% cun total de 33.152 euros, e o Concello de Soutomaior, que financiará o 26% restante, 11.648 euros.