• Xa se poden inscribir todos/as os interesados na páxina www.emesports.es ata o 9 de xuño
Despois de dous anos de parón, o tenente de alcalde Julio López e a concelleira Mireya Otero presentaron a quinta edición da carreira popular O Galo Corre de Vila de Cruces que se celebrará o día 12 de xuño, mostrando o cartel de este ano no que se pode comprobar que volvese a utilizar o logo feito por Óscar Vilar na anterior edición e que amablemente permitiu o concello usalo de novo nesta V edición, polo que Julio López agradece a súa colaboración. A proba en categoría sénior será de 10 quilómetros e percorrerá todo o centro urbano, continuando a tradición da última carreira celebrada no ano 2019, xa que a pandemia sufrida fixo imposible a súa celebración no ano 2020 e no 2021.
As inscricións están xa abertas ata o día 9 de xuño a través da páxina web www.emesports.es. Mantense un custo de 7 euros desde a categoría xuvenil a veteranos, sendo gratuíta desde chupete a cadetes como o último ano da súa celebración no 2019, outorgaranse trofeos aos 3 primeiros de cada categoría e por suposto todos os participantes serán obsequiados cun pequeno agasallo.
