A vicepresidenta da Deputación, Luisa Sánchez, participa nos actos en honor a San Blas de Bembrive

A vicepresidenta da Deputación de Pontevedra, Luisa Sánchez, participou este luns nos actos organizados pola Irmandade de Festas de San Blas e Santiago Apóstolo de Bembrive, en Vigo, en honor a San Blas. A vicepresidenta provincial asistiu á misa na Igrexa parroquial de Bembrive e á posterior procesión, así como aos festexos populares, que contaron coa actuación da Banda de Gaitas, Cornetas e Tambores Ría de Vigo, con foliada e gastronomía tradicional.