Home Deputacións Deputación Pontevedra A Volta a Galicia "O Gran Camiño" chegará a provincia de Pontevedra...

A Volta a Galicia “O Gran Camiño” chegará a provincia de Pontevedra con grandes profesionais e un atractivo percorrido

- Anuncio -

O itinerario da primeira etapa ente O Porriño e Vigo está a ser deseñado por Álvaro Pino “para amosar unhas paisaxes únicas” que serán foco de atención de medios de comunicación de todo o mundo

Na presentación xa se confirmou a participación de equipos como Movistar e o Israel Start-Up Nation e de alo menos tres corredores da provincia

A provincia de Pontevedra revalídase como “a gran provincia do ciclismo” ao acoller a primeira etapa da Volta Ciclista a Galicia “O Gran Camiño”, que discorrerá o xoves 24 de febreiro con saída no Porriño e final en Vigo. A Volta contará con grandes equipos, con ata tres corredores da provincia e será retransmitida a todo o mundo ao través de Eurosport. Así confirmouse hoxe na sede da Deputación en Vigo na presentación oficial da etapa, acto no que a presidenta, Carmela Silva, estivo acompañada de Ezequiel Mosquera, responsable da organización da Volta, amais de recoñecidas figuras do ciclismo como Marcos Serrano, último galego que gañou como profesional a Volta a Galicia, Oscar Pereiro, Samuel Blanco, Delio Fernández, Alejandro Marque, Carla Fernández, do Club Farto, amais de Ana Portela, do Grupo Deportivo Froiz e Juan Carlos Muñiz, presidente da Federación Galega de Ciclismo.

“O Gran Camiño” achega de novo a Galicia unha competición ciclista profesional na que participarán equipos de primeiro nivel. A última confirmación é a do Israel Start-Up Nation, onde corre Chris Froome (gañador de catro Tour de Francia, dúas Voltas e un Giro), e que se suma ao equipo Movistar, xa confirmado anteriormente. Ademais, dende a organización confían en poder desvelar pronto outras formacións de referencia. Entre os corredores que estarán na Volta a Galicia atópanse catro ciclistas galegos. Tres deles, son da provincia o que pon de manifesto o arraigo que o ciclismo ten no territorio. Trátase de Alejandro Marque (da Estrada), Samuel Blanco (Redondela) e Delio Rodríguez (Moaña), cuxa participación é altamente probable unha vez que se decida o seu futuro profesional. A Volta contará ademais co presencia de Carlos Canal, da provincia de Ourense.

Carmela Silva fixo fincapé na importancia deste tipo de acontecementos que teñen “un enorme poder de atracción. De feito -recalcou- no noso II Plan Estratéxico de Turismo temos aos eventos deportivos un como elemento fundamental da atracción de visitantes”. Para conseguir isto A Volta será seguida por “ducias de medios de comunicación en todo o mundo”, que difundirá as paisaxes de Pontevedra provincia e o resto de Galicia a nivel internacional. Deste xeito “a xente seguirá a volta á vez que ve unhas paisaxes que son únicas, porque nós vivimos no paraíso”.

Estas paisaxes están a ser escollidas polo ex ciclista profesional Álvaro Pino, que é a persoa que se está a encargar do deseño do percorrido. Nunha intervención por vídeo adiantou que este ía a ser “atractivo tanto para os ciclistas como para ás e os afeccionados, que desfrutarán dunha gran etapa e dun gran día”. Neste senso, Ezequiel Mosquera-responsable da empresa que organiza a Volta- lembrou que “a primeira etapa é un punto de contacto coa carreira e non debemos de facela moi dura e -engadiu- ao final o importante é ter equipos con ganas de guerra”. Mosquera deu as gracias “de corazón a aposta das distintas administracións” que fan posible esta proba e fíxoo de xeito especial coa Deputación de Pontevedra “por ser 100% permeable á proposta que se fixo precisamente polos valores fundamentais que ten a provincia neste deporte. Un deporte con arraigo histórico en Galicia, pero sobre todo aquí, no berce do ciclismo”.

Carmela Silva animou a todo o mundo a seguir a proba e participar activamente nela. Ademais, puxo de manifesto que A Volta a Galicia “vai a permitir que todos os nosos clubs poidan dar pasos cara adiante” como todo o traballo que están a facer por sumar a nenas e mozas aos equipos, un feito que a presidenta provincial agradeceu de forma expresa.

Relacionadas

O Concello da Guarda adheriuse á iniciativa “Concellos Emprendedores”

0
• Esta ahesión é un paso máis dos que o concello está dando para reactivar o polígono empresarial A Guarda-O Rosal. • obxectivo desta iniciativa...

Inicia a contratación da nova vía que dará servizo ao Gran Montecelo

0
‣ Mentres o Concello agarda que a Xunta poña a disposición os terreos que está expropiar, inicia o proceso de licitación por máis de...

O Concello reunirase coa veciñanza de Marcón que reclama a demolición dun desguace ilegal...

0
‣ Os veciños e veciñas veñen de denunciar á APLU no Contencioso por non ter aplicado as retiradas sentenzas que obrigan a demoler a...

Aprobada a estrutura de custes do novo contrato do lixo que permitirá licitar o...

0
‣ Este trámite é o paso previo á contratación do servizo, unha tramitación que poderá poñerse en marcha nas vindeiras semanas. O Concello de Pontevedra...

Salceda acada tres flores de honra no certame Vilas en Flor na súa segunda...

0
Aumenta o recoñecemento no Certame Vilas en Flor, ao pasar de dúas a tres flores de honra. O Concello de Salceda de Caselas ven de...

A Deputación abre este martes o prazo para inscribirse na última das Rutas Ornitolóxicas...

0
A camiñada para observar aves desenvolverase de xeito gratuíto o 19 de decembro polo Esteiro do Río Miño (A Guarda) e a Foz de...

Publicacións Relacionadas