Home Pontevedra Deza A xestión de residuos na administración local centrou hoxe o congreso Concellos...

A xestión de residuos na administración local centrou hoxe o congreso Concellos 2030 no marco de ExpoMunicipal 2024

- Anuncio -
  • PARTICIPARON PRETO DUNHA VINTENA DE PROFESIONAIS, OS CALES ABORDARON TEMAS COMO A AXENDA 2030, A ESTRATEXIA GALLEGA DE BIORRESIDUOS, O RETORNO CONTROLADO DE ENVASES OU CASOS DE ÉXITO NA IMPLANTACIÓN DE MATERIA ORGÁNICA
  • ESTA I FEIRA DE SERVIZOS MUNICIPAIS CELEBRARASE ATA O SÁBADO NO RECINTO FEIRA INTERNACIONAL DE GALICIA ABANCA

A I Feira de Servizos Municipais, ExpoMunicipal 2024, a cal se celebra dende hoxe ata o sábado na Feira Internacional de Galicia ABANCA e de forma paralela ao salón de enerxía Enerxétika, acolle durante as xornadas de hoxe e mañá o Congreso Concellos 2030.

Esta interesante cita pretende compartir información sobre sustentabilidade entre técnicos e responsables das administracións locais e empresas vencelladas á xestión dos recursos públicos, centrándose estes días no ciclo de auga, o aforro enerxético, a xestión dos residuos e a mobilidade urbana, pilares básicos para acadar concellos máis sostibles.

Hoxe o congreso, que completou o seu aforo, abordou a xestión de residuos, abrindo a cita a axenda 2030, sobre a que falou Uxía Diz, técnica de proxectos do Instituto para o Crecemento Sostible da Empresa (ICSEM). A continuación, explicouse a estratexia galega de biorresiduos, por parte de Paula Uría, subdirectora xeral de Residuos da Xunta de Galicia, para logo debullar a lei de residuos e a administración local con José Pernas, profesor titular de dereito administrativo da Universidade de A Coruña.

Seguiuno Benito Blanco, xerente de proxectos de residuos no grupo Applus+ cunha intervención sobre 2025 e o límite legal para as novas taxas e ordenanzas medioambientais. Sobre tecnoloxía para o peche de colectores falou Juan Carlos Cortés, director comercial en Citisend, mentres que do retorno controlado de envases fixo o propio Iván González, xerente de desenvolvemento de negocios en Candam Tech.

A xornada pechouse expoñendo casos de éxito na implantación de materia orgánica, sendo a moderadora Arancha Mañas, presidenta da Asociación Profesional de Empresas Medioambientais de Galicia (Aproema), e participando Jesús Domínguez, concelleiro de Sustentabilidade Ambiental de Santiago de Compostela; Lino Mouriño, concelleiro de Servizos de Vilagarcía de Arousa; Paula Fernández, alcaldesa de Silleda, e José Ramón Martínez, concelleiro de Medio Ambiente e Servizos de Laracha.

Enerxía, auga e mobilidade

Este congreso continuará mañá no marco de ExpoMunicipal, que o acolle no seu marco coa colaboración da Feira Internacional de Galicia ABANCA, a Federación Galega de Municipios e Provincias (FEGAMP), a Asociación Profesional de Empresas Medioambientais de Galicia (APROEMA) e o Clúster Galego de Solucións Ambientais e Economía Circular (VIRATEC).

Os temas que se debullarán mañá por parte de máis dunha ducia de profesionais serán aforro enerxético, ciclo da auga e mobilidade urbana.

Relacionadas

O Concello de Nigrán insta ao Parlamento a que tramite de xeito urxente unha...

0
María Jesús Seoane, vicepresidenta de AGAELA e ex-traballadora do Concello de Nigrán , leu a moción ante a ovación dos seus antigos compañeiros e...

Covelo felicita a Leonor polo seu 101 aniversario

0
Leonor cumpre hoxe 101 anos na compaña do persoal da residencia de maiores de Covelo e das e das residentes. Esta veciña de Sabarís,...

Marín ruxirá esta fin de semana coa celebración en Briz do Ruxe Marín

0
Axe Bahía Batucada presentaron o evento xunto coa concelleira de Festas, Marián Sanmartín.  A Asociación Cultural Axé Bahia Batucada presentou xunto coa concelleira de Festas,...

Os xogos de auga do Paseo Alcalde Blanco volverán estar activos esta fin de...

0
A brigada municipal de Augas está estes días poñendo de novo en funcionamento o sistema, que non supón gasto de auga dado que se...

A Deputación remarca a pegada de “Sempre en Galiza” na cultura galega nas xornadas...

0
Rafa Domínguez recordou que o manuscrito orixinal “dun dos testemuños máis destacables da actividade de Castelao, no que da voz ao momento que vivía...

EuRural e o Xeodestino Ría de Vigo e Baixo Miño brillan baixo os focos...

0
Durante tres días o público puido visionar os vídeos promocionais da campaña ‘Vivir experiencias, compartir territorio’ e a contraportada do Canzine destacou o proxecto...

Publicacións Relacionadas