Home Tabeirós A Estrada A Xunta e o concello da Estrada colaboran na posta en marcha...

A Xunta e o concello da Estrada colaboran na posta en marcha dun módulo cuberto multideporte

- Anuncio -

― O vicepresidente segundo e conselleiro de Presidencia, Xustiza e Deportes, Diego Calvo, e o alcalde da Estrada, José López Campos, asinaron o convenio desta infraestrutura, que contará cun investimento de 2M€, dos que o Goberno galego achega máis de 1M€


― A nova instalación contará con espazos para deportes de combate e ximnasio e completará as instalacións deportivas do municipio


― Situarase como elemento de comunicación entre a Academia Galega de Seguridade Pública (Agasp) e a pista de atletismo proxectada

O vicepresidente segundo e conselleiro de Presidencia, Xustiza e Deportes, Diego Calvo, vén de asinar co alcalde da Estrada, José López Campos, o convenio de colaboración entre a Xunta e o concello estradense para a realización de obras dun módulo cuberto multideporte. A instalación terá un orzamento superior aos dous millóns de euros, dos que a Xunta de Galicia achega máis de un millón e o municipio pontevedrés a contía restante.

A nova instalación completará as instalacións deportivas da Estrada e situarase como elemento de comunicación entre a Agasp e a pista de atletismo proxectada. Cómpre salientar que desde 2017, grazas a outro convenio de colaboración asinado coa Xunta, os deportistas galegos de alto nivel e as federacións deportivas de Galicia poden utilizar para as súas concentracións as instalacións da Academia, que contan con recursos como residencia, ximnasio, sala de tatami ou pistas exteriores.

Con esta nova actuación, a Agasp contará cun módulo cuberto que permita o desenvolvemento de adestramentos e competicións de probas técnicas cando a situación climatolóxica sexa adversa para especialidades como o salto con pértega, os saltos de lonxitude e triplo salto ou as probas de velocidade e valos.

Ademais, ao completar a instalación de aire libre con este módulo de pista cuberta, permitirá o desenvolvemento de competicións e concentracións técnicas de alto nivel, ao contar deste xeito con todo o necesario para o seu desenvolvemento. O novo módulo tamén disporá de espazos destinados a deportes de combate (judo, karate ou taekwondo) e ximnasio.

Relacionadas

A Xunta concede os premios dos concursos Cosumópolis e Galicons-Net para impulsar o consumo...

0
O director xeral de Comercio e Consumo, Gabriel Alén, visitou hoxe o IES Cacheiras, da Coruña, e o IES Lamas de Abade, de Santiago...

A Xunta convoca oito cursos de formación especializada que se celebrarán no Corazón da...

0
A Fundación Artesanía de Galicia organiza cursos centrados na cestería, na olería tradicional de Buño, na tapicería, no bordado ou no debuxo e mais...

A Xunta informa aos axentes implicados no impulso do empredemento e do emprego sobre...

0
― O secretario xeral de Emprego e Relacións Laborais, Pablo Fernández, participou hoxe no webinario organizado para dar conta da convocatoria novidosa por 1,5...

Xosé Ramón Iglesias Veiga, I Premio Antonio Placios de Honor

0
O Porriño recoñece así a traxectoria do escritor, historiador e mestre que deixou unha enorme pegada no Porriño O Concello do Porriño destacará con estes...

O concello de Nigrán e o Centro de Saúde Val Miñor ofrecen o xoves...

0
O Concello de Nigrán, a través do Centro de Saúde Val Miñor, ofrece este xoves 13 de xuño ás 17:00 horas no Auditorio Municipal...

A Xunta participa na simulación dun incencio Nivel 2 en varios concellos das provincias...

0
O director xeral de Emerxencias e Interior e o director xeral de Defensa do Monte participaron xunto cos delegados territoriais da Xunta na Coruña...

Publicacións Relacionadas