O BNG de Cerdedo-Cotobade lanza outro novo audiovisual participado polos compañeiros e compañeiras do grupo local a fin de denunciar outro dos incumplimentos do candidato do PP, neste caso con motivo da perda do servizo bancario de Abanca.Trala marcha da sucursal da Chan o BNG levou a pleno unha moción na que, por unanimidade, se aprobou retirar as contas bancarias municipais da entidade como resposta ao despropósito de pechar un servizo tan básico para a veciñanza como para a vida no rural. Malia os danos ocasionados aos negocios de Carballedo e aos das parroquias contiguas, malia ao ataque á propia capitalidade de Carballedo, o candidato do PP non foi quen de cumprir co aprobado en pleno e mesmo prometeu en diversos medios de comunicación a chegada doutra entidade á Chan. Xestión que nunca viu a luz. O BNG levou outra iniciativa a pleno para declarar a Escotet persoa non grata en Cerdedo-Cotobade. Proposta rexeitada polo candidato do PP.Dende o BNG levamos a cabo unha nova iniciativa en formato de audiovisual cos seguinte obxectivos: remarcar as mentiras e as manipulacións do candidato do PP e denunciar a perda de servizos na capital municipal cos problemas sobrevidos para o conxunto da veciñanza, autónomos e empresarios da zona.Non podemos permitir que o PP continúe co ataque tan descarado ao modelo de vida do rural de Cerdedo-Cotobade.