O día 24/02/2022 o BNG por medio da nosa deputada Montse Prado presentou, ante a confusión xerada polas versións contraditorias do PP e o PSOE, unha batería de preguntas no parlamento galego en relación co centro de saúde de Meis, pedindo á Xunta que se lles faga chegar a resposta a todos os grupos políticos de Meis e non facer desta cuestión unha liorta política.
A día 18/04/2022 recibimos a resposta oficial onde constatamos incongruencias entre a resposta da Xunta e o manifestado pola equipa de goberno de Meis nos plenos e na prensa, entre outras destacamos as características da parcela que non corresponden coas esixidas pola Xunta, o cal xera un grave problema aos veciños e veciñas de Meis que querían propor o seu terreo, pero non puideron por non saber que características debían cumprir ao manifestar a alcaldía características diferentes ás pedidas pola Xunta.
Tamén destacamos que a resposta da Xunta demostra que a equipa de goberno non presentou todos os terreos que dixo nos plenos, polo menos que presentara por escrito que é a única forma que unha administración debe dirixirse a outra como tantas veces ten denunciado a BNG de Meis.
Ante estas contradicións, da que a única vítima é a veciñanza de Meis que ve atrasada a construción do centro de saúde, o BNG de Meis adianta que tomará todas as medidas necesarias para que o centro de saúde de Meis non sufra máis atrancos por intereses meramente partidistas.
