O BNG do Salnés organiza, mañá venres en Catoira, un acto público previo á manifestación nacional do 25 de Xullo, que este ano baixo o lema “Gañarmos o futuro. A nova Galiza en Marcha! reivindicará polas rúas de Compostela unha saída xusta á crise económica e que é preciso un cambio político para construír unha Galiza mellor, que defenda os intereses da clase traballadora e das familias fronte á grandes multinacionais.
O acto, que terá lugar ás 20:30 h. na Alameda de Catoira contará coa presenza de Néstor Rego, deputado do BNG no Congreso; Montse Prado, deputada no Parlamento Galego; Xoán Xosé Castaño, portavoz municipal e Tamara Torres, próxima concelleira nesta localidade.