Agasallos e nomeamentos de honra con motivo do Día das Persoas Usuarias das Bibliotecas

A concellaría de Cultura, que dirixe Fernando Groba, celebra o vindeiro luns 11 de xaneiro o Día das Persoas Usuarias das Bibliotecas. A partir das 18:30 horas na Biblioteca Pública Municipal de Ponteareas procederase ao nomeamento da persoa usuaria de honra na categoría infantil e adulto.
A concellaría agasallará un lote de libros ás persoas usuarias con máis préstamos no ano 2020. Ademais, realizarase unha visita guiada á Biblioteca e ao Museo Municipal. Tamén se agasallarán marcapáxinas a todos os/as asistentes.
Fernando Groba explica a importancia de promover os servizos públicos, como a Biblioteca Pública Municipal, que son de todas e de todos e, en especial, a Biblioteca porque é un espazo que, ademais de facilitar o acceso á cultura, ofrece a posibilidade de estudar nun ambiente tranquilo, seguro e confortable.
A Biblioteca Pública Municipal de Ponteareas ten un fondo bibliográfico de 23.078 libros, un total de 4.424 socios/socias e no 2020 tivo un total de 17.800 usuarios/as e ofrece ademais unha sala de ordenadores con conexión segura á rede.