• A actividade forma parte da Festa da Lamprea, combinando natureza, patrimonio e tradición nun percorrido con sorteos e música en vivo.
• A saída esta proxectada desde a Carballeira de Turbela, o domingo 10 de agosto ás 9:00horas.
No marco da XXX FESTA DÁ LAMPREA, que se celebrará os días 8, 9 e 10 de agosto en Arbo, realizarase a VII ANDAINA POPULAR DÁ LAMPREA SECA, que permitirá aos participantes achegarse á historia, a paisaxe e os sabores desta emblemática comarca galega.
A actividade, que esta programada para o domingo 10 de agosto a partir das 9:00horas, esta dirixida a toda a comunidade e visitantes, convida a percorrer as paisaxes de Arbo nun roteiro que combina sendeirismo, descubrimento patrimonial e degustación de produtos tradicionais.
Como complemento da camiñada, organizaranse sorteos entre todos os participantes, proporcionando dinamismo e entusiasmo á xornada. A organización deseñou momentos especiais para que tanto os senderistas noveis como os habituais poidan gozar dunha experiencia enriquecedora nunha contorna natural privilexiada.
Tras completar o percorrido, os asistentes terán a opción de permanecer na Carballeira de Turbela, un espazo natural que se transforma en escenario de celebración, música e actividades culturais.
O alcalde de Arbo, Horacio Gil, destacou a importancia desta iniciativa: “Queremos mostrar a riqueza da nosa terra e as nosas tradicións a través dunha actividade participativa que convida ao #gozar da contorna e das nosas raíces culturais.” Ademais, resaltou que a xornada busca promover o turismo sostible e o orgullo polos costumes locais, fomentando así a conservación do patrimonio e a identidade da comarca.”A camiñada é unha oportunidade perfecta para conectar coa natureza, aprender sobre a nosa gastronomía e pasar un intre agradable en compañía,” comentou un dos organizadores. A posibilidade de degustar produtos tradicionais nunha contorna natural axuda a comprender mellor a relevancia cultural e social das festividades relacionadas coa río e a pesca de lamprea.
Para participar, só é necesario inscribirse previamente nas oficinas do Concello de Arbo ou a través do Correo electronico vicentacerdeira@hotmail.es, e os interesados poden informarse a través das redes oficiais do concello. Recoméndase levar calzado cómodo, protección contra o sol e auga para manterse hidratados durante o percorrido.
A Festa da Lamprea, que adoita congregar a numerosos asistentes, convértese así non só nunha festividade gastronómica, senón nun evento que fomenta a interacción social, o patrimonio e a sustentabilidade.
A organización convida a toda a comunidade a sumarse a esta actividade que, máis aló da celebración gastronómica, busca fortalecer os lazos culturais e promover o respecto pola contorna natural de Arbo, unha das localidades con maior riqueza en tradicións e paisaxe de toda Galicia.
