O Goberno municipal de Cambados dá por finalizado o mandato a medio ano das eleccións.
Deixando sen elaborar os orzamentos do 2023, renuncia a dotar de contido a súa acción de
goberno no ano que comenza.
O balance do bipartito PSOE-Somos Cambados é francamente negativo. Avisamos dende o
principio que, como non houbera un programa de goberno, o que lles agardaba era trampear a curto prazo, e acabar colapsando, como finalmente pasou. Sen o BNG marcando o rumbo, tanto o PSOE como Somos Cambados foron á deriva, improvisando sobre a marcha, competindo pola atención, e gastando sen rumbo en festexos e promoción política para destacar un sobre o outro.
Como mostra significativa das súas prioridades, o ano pasado gastaron en festexos arredor dun millón de euros, dun orzamento de dez. Dado que a maioría absoluta do orzamento se adica a pagar salarios dos traballadores municipais, para manter ese dispendio deixaron abandonadas as infraestructuras municipais, tanto sen contido como sen mantemento. O estado no que agora se atopan vaticina unha recuperación longa e difícil.
Pero é que ese destrago nin sequera serviu para organizar festexos en condicións. Temos ben presente o desastre que foi un presunto Albariño de dez días, dos cales as casetas só abriron os últimos. Sobran exemplos de veciños e turistas que confíaban en disfrutar da tan anunciada festa, só para atoparse coa Calzada pechada e unha festa a medio gas. Pero é só un máis.
Ni sequera cando lles puxemos en bandexa proxectos xa deseñados foron quen de levalos a cabo.
Cando sinalamos as deficiencias das casas de cultura parroquiais ou medidas tendentes a facilitar a conciliación familiar e laboral, confiabamos en que, polo menos, puideran xestionar tarefas sinxelas polo ben da veciñanza. Non foi o caso. Todo o que implicase traballo de fondo, sen gratificación instantánea en forma de prensa ou redes sociais, lles supoñía un esforzo insalvable.
Non había un proxecto, non había ideas, e con esta xente non hai futuro para Cambados. Nunca o BNG foi tan necesario para endereitar a política local e volver a dotar ao noso concello de proxecto, ambición, e porvir.