Continúan a bo ritmo as obras de mellora nos vestiarios e almacéns das Instalacións Deportivas de O Casal, financiadas a través do Plan + Provincia 2024, que buscan mellorar o estado da edificación, derivado do elevado uso diario e da antigüedade das propias instalacións.
Estas obras cunha inversión total de máis de 106.000 euros céntranse nos acabados, tanto interiores como exteriores, e na cuberta, de forma que se pretende mellorar o aspecto xeral das edificacións con parámetros máis fáciles de limpar e desinfectar nos vestiarios e conseguir unha mellora no illamento térmico tanto nas fachadas como na cuberta da construcción provocando unha mellora instantánea no confort do interior dos vestiarios.
O edificio que foi construído nos anos 90, nunha primeira fase contaba exclusivamente con 2 vestiarios. Posteriormente ante o aumento exponencial de usuarios, sobre todo de nenos e nenas nas escolas de fútbol, aumentouse a edificación construíndo 2 vestiarios máis simétricos ós existentes e unha sala de maior tamaño utilizada como cantina.
O sistema constructivo utilizado no seu momento precisaba unha reforma de calado que permitira acabar coas filtracións de auga e a humidade existente na edificación. Todo isto levarase a cabo coa colocación de canalóns, a cubrición da cuberta con panel de chapa de aceiro sobre un rastelado, protexendo a edificación exteriormente cun zócalo de pedra e interiormente nalgúns parámetros, ademais de realizar diversas actuacións que mellorarán a calidade das instalación.
Actualmente as Instalacións Deportivas de O Casal son o lugar onde as Escolas Deportivas, a S.D. Salvaterra e os afeccionados do Casal realizan os seus adestramentos. En total son máis de 200 usuarios e usuarias que fan uso das instalacións semanalmente.
