Tras o acontecido no último Pleno o BNG de Meis presenta unha moción a fin de que se determine que o representante do Concello de Meis na Fundación Monte Castrove sexa elixido polo Pleno.
Desde O BNG consideramos que a elección do representante do Concello debe saír do Pleno, como xa o expresaramos no pasado Pleno, ao tratarse dunha competencia plenaria, pero non só por iso, senón porque no Acordo de Investidura que asinamos co PSOE un dos puntos era precisamente que as competencias do Pleno manteríanse neste organismo sen que fosen delegadas, cuestión que por parte da Alcaldesa se incumpriu cando esta se remite aos antecedentes administrativos no Concello para determinar que é a Alcaldía quen nomea ao representante porque é como se viña facendo.
Por outra banda agardamos que da reunión que terá lugar o xoves 16 se solucione dunha vez por todas a subida dos IPC nas nóminas dos traballadores e traballadoras, e que desde o PSOE se defenda o cumprimento do convenio laboral, e que deixen a escusa da existencia dunha negociación, porque con isto o único que pretende o partido socialista é un futuro acordo que rebaixe o incremento do IPC que se lle debe subir nas nóminas aos traballadores e traballadoras todo isto en detrimento dos seus dereitos laborais.