Xoán Reices explicou que “termos o modelo de concerto económico que propón o BNG non é unha cuestión de privilexios, senón de xustiza e igualdade, para que ás galegas e aos galegos non se nos trate como cidadáns de segunda”.
O BNG da Estrada organizou na tarde de hoxe un acto público sobre o financiamento de Galiza. Neste acto conducido por Xoán Reices (concelleiro) contou coa participación de Bieito Lobeira, membro da executiva nacionalista, que presentou o modelo para un financiamento xusto de Galiza.
Xoán Reices explicou que “termos o modelo de concerto económico que propón o BNG non é unha cuestión de privilexios, senón de xustiza e igualdade, para que ás galegas e aos galegos non se nos trate como cidadáns de segunda”.
Para dar conta da dimensión da discriminación do actual modelo, Bieito Lobeira explicou “que só no ano 2022 -segundo os datos da liquidación orzamentaria- a diferenza entre o que Galiza aportou vía impostos e o que lle transfire o Estado foi de 5.344 millóns de euros. Se a conta se fai entre 2009 e 2022 a cifra supera os 59.000 M€, que supoñen practicamente case a totalidade do que representan os orzamentos da Xunta durante seis anos”.
De aí a importancia de que Galiza teña a chave do seus cartos e o BNG reclame a soberanía fiscal e, no máis inmediato, o modelo de concerto económico similar ao do País Vasco ou o que vai ter Cataluña, apuntou Lobeira, subliñando que “Galiza non pode ser menos” nin renunciar a ter máis recursos para a sanidade, o ensino ou as políticas sociais, tal e como pretende o PP, con Alfonso Rueda á cabeza, ao que advertiu da súa responsabilidade de que Galiza quede rebaixada á condición de rexión.
