Juan Manuel Vidal anuncioulle ao deputado Manuel González que o Concello sacará en breve a licitación a obra de reconexión peonil, segura e amable do núcleo urbano de Pontecesures
O Concello de Pontecesures recibiu hoxe a visita de Manuel González Martínez, deputado de Centros de Investigación da Deputación de Pontevedra, quen acompañado polo alcalde, Juan Manuel Vidal Seage, visitaron a actuación de recuperación do espazo público de Pontecesures cara a ría.
Vidal Seage asegurou que “é de agradecer o interese da Deputación de Pontevedra para con Pontecesures na mellora da súa trama urbana, encamiñada á mellora da accesibilidade e á humanización dos seus espazos para lograr así unha mellor convivencia e sintonía entre o tráfico rodado, peonil e ciclable. Un paso necesario para un maior desenvolvemento económico e tamén para unha mellor calidade de vida dos veciños e veciñas”.
Así mesmo, o alcalde agradeceu o interese do deputado na próxima licitación da obra “Reconexión peonil, segura e amable do núcleo urbano de Pontecesures”, que o Concello ten previsto sacar a licitación en próximas datas.
