Á dita iniciativa preventiva a Administración Sanitaria Pública galega convocará aleatoriamente e vía SMS telefónico a 1.200 persoas dentre 30 e 39 anos con tarxeta sanitaria activa no centro de saúde desta localidade
Este cribado voluntario contará no Salón José Peña cambadés con dous equipos de enfermaría en cada turno
O SERGAS reitera á poboación a importancia preventiva de asistir aos cribados que se efectúan cara a avanzar na contención e superación dos efectos da pandemia
Área Sanitaria de Pontevedra e O Salnés efectuará durante a tarde do luns 10 de maio e durante mañá e a tarde do vindeiro martes 11 de maio de 2021 un novo cribado poboacional con PCR con mostra nasofarínxea nas dependencias do Salón José Peña de Cambados, para detectar casos positivos asintomáticos de COVID 19 nesta localidade arousá.
Á dita iniciativa preventiva a Administración Sanitaria Pública galega convocará aleatoriamente e vía SMS telefónico a 1.200 persoas dentre 30 e 39 anos de idade da poboación cambadesa con tarxeta sanitaria activa no centro de saúde deste Concello.
Para levar a cabo este novo cribado voluntario poboacional en Cambados, a Área Sanitaria de Pontevedra e O Salnés contará no Salón José Peña con dous equipos de enfermaría en cada turno, que efectuarán tarefas de control e cumprimento das medidas de seguridade, realización das tomas de mostras nasofarínxeas e información aos usuarios.
O procesado das mostras realizaráse no laboratorio de Microbioloxía desta Area Sanitaria e os resultados se enviarán á poboación mediante mensaxe SMS. Nos casos positivos, o Servizo Galego de Saúde contactará telefonicamente coas persoas para informarlles sobre as medidas preventivas a adoptar. O SERGAS reitera á poboación a importancia preventiva de asistir aos cribados que se efectúan cara a avanzar na contención e superación dos efectos da pandemia.
Dous positivos no cribado de Vilanova de Arousa
Por outra banda, cómpre sinalar que os novos cribados poboacionais con PCR efectuados o pasado xoves 6 de maio no pabellón municipal de Vilanova de Arousa pola Área Sanitaria de Pontevedra e O Salnés detectaron dous casos positivos de COVID 19. O SERGAS convocou a 1.598 persoas dentre 50 e 64 anos deste municipio e, finalmente, se achegaron 991 cidadáns, cifra que representa o 62,02 por cento da convocatoria voluntaria nesta localidade.