Un ano máis O Concello do Grove ten o pracer de acoller o campo de voluntariado “A terra que habita no mar” do 15 ao 26 de setembro.
Os campos de voluntariado son actividades que forman parte do programa Acción de Verán que organiza a Xunta de Galicia e neste en concreto colabora o Concello do Grove a través do camping Fieitás.
Este ano son 12 mozos e mozas, que veñen de diferentes puntos de España, os que participarán neste campo de temática medioambiental que tratará de poñer en valor, o concello do Grove, a través de traballos de limpeza e extracción de especies invasoras en diferentes praias como en Raeiros, Rons e Area da Cruz e de recuperación e reconstrución do patrimonio como o valado da zona dos burros e doutras partes da aldea dos Grobbits dentro da Toxa.
Na parte cultural e de ocio visitarán todos os puntos destacados da xeografía meca e a Illa de Ons, o museo da salga, o museo Biomarine center, paseo no turitrén para conocer o entorno, visita á batería militar, etc.
A tenente alcalde do Concello e concelleira de medio ambiente, Angeles Domínguez, foi quen recibeu hoxe ao grupo na Sala das Cunchas ás 13.00 poñéndolle en coñecemento en que vai a consistir o campo e dándolle a benvida e desexándolle que leven unha boa experiancia do Grove.