• Dende primeira hora da mañá traballan achicando auga en garaxes
A concellería de Seguridade do Concello de Ponteareas informa que catro bombeiros do servizo local trasladáronse onte ao concello valencián de Alfafar para contribuír nas labores de emerxencia. A Axencia de Emerxencias de Galicia (AXEGA) é a coordinadora deste operativo no que tamén se desprazaron submarinistas e persoal de Medio Rural, entre outros, ademais de motobombas.
Renunciando aos seus días libres e de descanso estes catro bombeiros regresarán o venres día 8 para incorporarse aos seus quendas e así non desatender os seus compromisos con Ponteareas. Acompañados do xefe de bombeiros estes profesionais simbolizan a vocación de toda a plantilla de bombeiros de Ponteareas que cobren todos os concellos das comarcas do Condado e da Paradanta.
Dende primeira hora da mañá traballan achicando auga en garaxes e realizando todas aquelas tarefas que sexan precisas. Juan Carlos Carrera, concelleiro de Seguridade, agradece a predisposición de toda a plantilla de bombeiros que colaboran sempre que é preciso e que son capaces de coordinarse con outros equipos dando exemplo de profesionalidade.
