• Os deportistas tiveron que cubrir unha distancia de 5,8 quilómetros a pé, 18 en bicicleta e 2,9 novamente a pé
Cecilia Abal, en categoría feminina, e Daniel Gómez, en masculina, foron os gañadores do II Duatlón Cros CerdedoCotobade disputado este luns no entorno da Chan, en Carballedo, proba organizada pola Federación Galega de Triatlón e o club Rías Baixas.
Ademais destes gañadores absolutos da proba, en categoría feminina quedou en segundo lugar Ana Vilas e Uxía Fernández foi a terceira. Pola súa banda, en categoría masculina, o segudo clasificado foi Gabriel Casteiñeiras e terceiro, Enrique Morán.
A proba enmárcase dentro do Circuito Galego de Duatlón Cros e os deportistas, en todas as categorías en liza, tiveron que percorrer 5,8 quilómetros de distancia a pé, 18 quilómetros de percorrido en bicicleta eunha última posta de 2,9 quilómetros novamente a pé.
Esta competición tamén estivo aberta a participantes da chamada “licencia de un día”, co cal se facilitou a participación de calquera deportista na proba, independientemente que fora asiduo ou non na disputa deste tipo de modalidades deportivas.
O alcalde de Cerdedo-Cotobade, Jorge Cubela, felicitou aos gañadores e tamén a todos os participantes que desafiron as condicións metereolóxicas adversas dando boa mostra da súa condición física e da súa deportividade. “Certo é que á dureza da proba se lle engadiu o mal
tempo, pero desde logo non desdibuxou para nada a beleza do percorrido e a capacidade de esforzo e sacrificio de todas e todos os participantes dando boa conta da súa entrega e amor por este deporte. Por outra banda, quero felicitar tamén aos organizadores, tanto á Federación como ao club Rías Baixas, que fixeron que pese ás dificultades todo saíra
perfectamente. Cerdedo-Cotobade demostrou unha vez máis que é un concello que aposta polo deporte e co que se pode contar para todo tipo de probas e iniciativas que teñan que ver coa práctica e o fomento do deporte na nosa Comunidade”, indicou o rexedor.
