Xornada de clausura do Encontro Luso Galaico de Festivais Audiovisuais que se desenvolveu onte e hoxe no Pazo Provincial da Deputación. A xornada rematou este mediodía coa intervención do director do Festival Internacional de Cine Fantástico de Sitges, Ángel Sala, quen clausurou o simposio coa charla “Expediente Sitges”, moderada por Luis M. Rosales, director do Curtas de Vilagarcía.
Previamente, tivo lugar o coloquio “A diversidade editorial”, moderado por Severiano Casalderrey, subdirector do FICBueu e no que participaron Darío Oliveira, director do Porto/Pos/DocFilm & Media Festival; Nuno Rodrigues, director do Curtas Vila do Conde; Alfonso Pato, director do Festival de Cans; Johnny Marques, coordinador da Comisión Artística e de Programación de CINANIMA (Festival Internacional de Cinema de Animação de Espinho) e Ana Gondad, directora de programación do Festival Primavera do Cine en Vigo.
